Castro: 'Aita Santuak horrela jarraituz gero, fededun bihurtuko naiz'
Raul Castro Kubako presidenteak 55 minutuko bilera izan du Frantzisko aita santuarekin Vatikanon. Castro 09:30ean tokiko orduan (07:30 GMT) heldu da bertara, eta jarraian audientzia pribatua izan dute.
Batzarra amaitu ostean, Castrok azpimarratu duenez, "aita santuak horrela hitz egiten jarraituz gero, berriro otoiz egiten amaituko dut, eta Eliza katolikora itzuliko naiz, eta ez nabil txantxetan".
Aita santuak datorren irailean Kubara joateko asmoa du, eta Kubaren eta AEBren arteko hurbiltze prozesuan lagundu du.
Aita santuarekin izandako bilera Barack Obamarekin izandakoa baino luzeagoa izan da. Hala ere, AEBko presidentearekin batzartu zenean, itzultzailearen laguntza izan zuten. Oraingoan, berriz, espainieraz hitz egin dute.
"Kubaren eta AEBren arteko hurbiltze horretan egindako ekarpena eskertu diot aita santuari", esan du Castrok, bilera amaitu ostean.
Hitz egiteaz gain, hainbat opari egin diote elkarri. Alexis Leyva Machado artista kubatarrak egindako margolan handia oparitu dio Castrok aita santuari (hainbat ontzik osatutako gurutze handia ikus daiteke margolanean, eta haur bat gurutzearen aurrean dago otoiz egiten).
Ipar Afrikatik Europara doazen milaka lagunen tragediari erreferentzia egin nahi izan dio artistak, Castrok Frantziskori azaldu dionaren arabera. "Zein iradokitzailea den!", adierazi du Jorge Bergogliok.
Halaber, Habanako katedralaren 200. urteurrena ospatzeko domina oparitu dio Castrok. Data hori ospatzeko 25 domina baino ez daude munduan.
Bestalde, Buenos Aireseko patroi Tourseko Martin Deunako medailoi bat eta Evangelii Gaudium apostulu-erregua eskaini dizkio aita santuak Castrori.
Bilera 'oso atsegina'
Audientzia pribatu horren harira, Castrok iragarri duenez, aita santuak datorren irailean Kuban eskainiko dituen meza guztietara "pozik" joango da.
"Aita santuak erakutsitako jakintasunagatik, bertuteengatik eta apaltasunagatik hunkituta nago, erabat hunkituta", esan du Kubako buruzagiak.
Gainera, Castrok aitortu duenez, Frantziskoren hitzaldi guztiak irakurtzen ditu, eta Jesusen Konpainia dela eta, harekin lotura handia duela esan du. "Bera jesuita da, eta ni ere, neurri batean, eskola jesuitetan beti izan naizelako", gaineratu du.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.