Kamioilariaren eta ertzainaren sendiei babesa eskaini die Jaurlaritzak
Eusko Jaurlaritzako Segurtasun Sailak atzo Leitzan tiro batez hil zen kamioilariaren sendiari babes osoa eman dio, bai eta heriotza horrengatik atxilotutako ertzainaren familiari ere.
Josu Zubiaga Segurtasun sailburuordeak Bilbon segurtasunaren inguruko ekitaldi batean egin dituen adierazpenetan eskaini die bi familiei babesa. Atxilotutako ertzaina kamioilariaren heriotzaren usteko egilea izan arren, haren familiak mina duela gogoratu du Zubiagak, eta Segurtasun sailak “beharrezkoa denean” babestuko duela esan du.
Hildako kamioilariaren sendiari ere elkartasuna adierazi dio Zubiagak. Era berean, Nafarroako Foruzaingoaren esku jarri da beharrezkoa denean laguntzeko.
Polizia-ereduaren inguruko hausnarketa
Juan Calparsoro Euskadiko fiskal nagusia egungo polizia-ereduaren inguruan “hausnarketa sakona” egitearen alde agertu da. “Gauzak behar bezala egiten ari ez garela dirudi, ez betzaintzat gertaerekin”, esan du.
Kamioilariren “hilketaren” aurrean “erabateko gaitzespena eta haserrea” erakutsi du Calparsorok. Herritarren segurtasuna bermatu behar duen polizia agente batek egindako gertaera “deitoragarria” dela ere gaineratu du.
Leitzan izandako gertaerak “egun dugun polizia ereduaren inguruan, nahi dugun poliziaren inguruan, egin dugun poliziaren inguruan eta euren lana egiteko pertsona horiei ematen zaien bitartekoen inguruan hausnarketa sakona eskatzen dute”, amaitu du.
Protesta bilkurak
Leitzako Torraspapel enpresako Langile Batzordeak atzo izandako heriotza argitzeko eskatu du gaur.
Langileen ordezkariek prentsa oharra kaleratu dute eta protesta bilkurak iragarri dituzte datorren astearterako. Horrelako egoerarik berriz ere ez gertatzeko beharrezkoak diren neurriak hartzeko ere eskatu dute.
Oharrean jasotzen denez, “onartezina da armatuta dagoen pertsona bat kontrolik gabe kalean ibiltzea”.
lean ibiltzea”.Zure interesekoa izan daiteke
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.