1.600 etorkin inguru heldu dira Andaluziara abuztura bitartean
1.595 etorkin heldu dira 2015eko urtarriletik abuztura bitartean Andaluziako kostaldeetara, 91 ontzietan eta pneumatiko ontzietan, alegia, Europa Pressek bildutako datuen arabera. Azken bi asteetan 200 lagun inguru erreskatatu dituzte kostaldera hurbiltzen ari zirela.
Larunbat honetan, Saharaz hegoaldeko 35 etorkin eraman dituzte Alborango Uhartetik Almeriako portura. Bidaiarien artean, bost emakumezko eta bi adingabe (neskato bat eta haurtxo bat) zeuden.
Bestalde, joan den ostiralean 10 lagun zeramatzan txalupa bat heldu zen Aguamargara (Nijar, Almeria), eta horien artean, hiru adingabe zeude.
Ostegunean, berriz, 19 bidaiari erreskatatu zituzten Gatako Lurmuturratik hego-ekialdera, Larrialdietarako Zerbitzuek jakinarazi dutenez. Gizonezkoak Almeriako portura eraman zituzten, eta onik heldu ziren bertara 03:10ak aldera.
Uztailaren amaieran, txalupetan heldutako etorkin-fluxurik handiena jaso du Granadako kostaldeak. Gainera, erreskateak ere egin dituzte Cadizeko probintzian, aipatutako Gatako Lurmuturrean, eta baita Malagan ere (maiatzean txalupa bat heldu zen hango portura).
300 etorkinetik gora erreskatatu ditu Italiak
Bestalde, Italiako Kostazainek hiru ontziei laguntza eskaini diete, Libiako kostaldetik gertu zeudela. Guztira, 345 etorkin erreskatatu dituzte.
Afrikako iparraldetik etorritako etorkin-fluxu handia jasotzen ari da Italia, Europako beste helmuga batzuetara igarotzeko zubi natural bezala hartzen baitute herrialde hori.
Migrazioetarako Nazioarteko Erakundearen aburuz, 2.000 lagun hil dira aurten Mediterraneoa zeharkatzen saiatu direnean.
Zure interesekoa izan daiteke
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.
Txorierriko igarobidea ohikora itzuli da, goiz korapilatsu baten ostean
Zortzi ibilgailuren arteko istripua gertatu da goizeko lehen orduan, eta ilarak A-8ra, Arrontegira eta Artatzako errepidera ere iritsi dira. Dena den, trafikoa bere onera etorri da 10:00ak baino lehen.