Etorkizuneko pentsiodunen bizi-kalitateak 'okerrera' egingo du
Gaur egungo pentsiodunen bizi-kalitatea herritarren batez bestekoaren parekoa da. Dena dela, etorkizunean, erretiro-saria jasotzen duenen bizi-kalitateak behera egingo duela ohartarazi du Ekonomia-Lankidetza Garapenerako Erakundeak. Mundu osoko 32 herrialdek osatzen dute erakunde hori (tartean daude Frantzia eta Espainia), eta herrialdeotako pentsio-sistemak aztertu ondoren kaleratu dute, gaur, "2015eko Pentsioen Panorama" txostena.
Ekonomia-Lankidetza Garapenerako Erakundearen arabera, azken urteotan erabaki diren erreformek "pentsio-sistemen iraunkortasunari eusteko balio" izan dute, baina "ezinbestekoa" da etorkizuneko pentsiodunei egokitutako sistemak diseinatzea.
Gaur egun, erretiro-saria jasotzen dutenen gehiengoak lanpostu egonkorra izan du, batez ere, gizonezkoek. Etorkizuneko pentsiodunek, aldiz, ez dute lan-ibilbide hori izango, eta horrek pentsioetan eragin zuzena izango duela uste da.
Hori horrela, etorkizuneko pentsio-sistemak diseinatzerakoan, herritarren bizi-kalitatea bermatuko duten formulak aurreikusteko eskatu die Garapenerako Erakundeak herrialde guztietako arduradunei.
"Herrialde guztiek dituzte adinekoak babesteko mekanismoak, baina kasu batzuetan ez dira nahikoak. Pentsiodunak pobrezia egoeran murgiltzeko arriskua dago. Beraz, neurriak hartu behar dira", esan du Garapenerako Erakundeak.
Bestalde, 2060an erretiroa hartzeko adina, batez beste, 65,5 urtekoa izango dela ohartarazi dute.
Zure interesekoa izan daiteke
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko 21M Asanbladak deitutako manifestazioarekin. "Faxismoaren gorakada" salatu dute eta "talde neonazien eta supremazisten" jarduera eta diskurtsoen "zigorgabetasunaz" ohartarazi dute. Martxa 12:00ak pasatxo zirenean hasi da Mariaren Bihotza plazan, eta San Frantzisko kalea zeharkatu du Zabalbururaino., Bilboko udaletxearen aurrean amaitu da manifestu bat irakurriz.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan 12 edukiontziri eman diete su, eta Bilboko Zorrotza auzoan, hiruri. Ikerketa zabalik dago eta Getxoko Udaltzaingoa susmagarri bat identifikatzeko lanean dago dagoeneko.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.
Ehunka lagun elkartu dira Bilbon, "Kuba bizirik. Blokeorik ez!" lelopean
Hegoak plataformak deituta, Kubaren aldeko elkarretaratzea egin dute gaur eguerdian Bilboko Areatzan, "EBk ezarritako itolarri ekonomiko eta energia blokeo politika arbuiatzeko". Habanara iritsiko den konboi solidarioaren alde ere agertu dira. Bilbon bezala, Iruñean ere mobilizatu dira plataforma horrek deituta.
47 urteko gizon bat atxilotu dute Ermuan, anaia sastatzea egotzita
Erasoa 06:00ak aldera gertatu da, San Pelaio auzoko etxebizitza batean. 46 urteko biktima larri eraman dute ospitalera, gorputzeko hainbat lekutan zauriak baitzituen.
Gizon batek alaba adingabea hil du Torreviejan
Guardia Zibila indarkeria bikarioko krimen gisa ikertzen ari da bi edo hiru urte zituen haurraren hilketa.
Preso bat hilik aurkitu dute Baionako espetxean
23 urteko gizonak bere buruaz beste egin du. Arazo psikiatrikoak zituen, eta bakarkako ziega batean zegoen preso.
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
Gizon batek emazte ohia hil du tiroz Zaragozan
Espainiako Gobernuaren ordezkariaren esanetan, gizona emakumearen zain egon da kalean, tiroka hiltzeko.