Rodale taldeak Galdakaoko Hozkailu Solidarioa proiektua saritu du
Rodale talde editorial estatubatuarrak ‘Building a Strong Foundation’ saria eman dio Galdakaoko Hozkailu Solidarioa ekimenari. Etxe askotan elikagai ugari alferrik galtzen denez, soberan dauden jakiak aprobetxatzeko abiatu zuten proiektua, Estatuan abiatu den horrelako lehen ekimena.
Galdakaoko Boluntarioen Gizarte Elkarteak (GBGE) Galdakaoko Udalaren laguntzarekin batera bultzatutako proiektuaren lehenengo urteko balantzea aurkeztu dute jada.
‘Building a Strong Foundation’ sariak gizartearekin konprometituta dauden proiektuak nabarmentzen ditu. Aurten, Galdakaon elikagaiak xahutzearen kontrako borroka eta horrek gizarteari dakarzkion onurak azpimarratu ditu.
Alvaro Saiz GBGEko koordinatzaile orokorrak eta Fernando Izagirre Galdakaoko Udaleko Ekonomia zinegotziak egin dute balantzea. Horien esanetan, Hozkailu Solidarioa bezalako proiektuek “Galdakaok duen konpromisoa eta elkartasuna” islatzen ditu. Gainera, EHUko Leioako campuseko Gizarte eta Komunikazio Zientzien Fakultateko ikasle batzuek ere bat egin dute proiektuarekin.
Rodale talde editorial estatubatuarrak mundu osoan sona handia duten aldizkariak ditu, besteak beste, Men’s Health, Women’s Health, Runners eta Rodale Wellness.
Proiektuaren hazkundea
Dagoeneko lau hozkailu daude Euskal Herriko kaleetan: hiru Bizkaian (bi Galdakaon eta bat EHUren Leioako campusean) eta beste bat Araban (Gasteiz). Aste batzuk barru, beste udalerri batzuetan ere jarriko dituzte, Plentzian, esaterako.
Ekimena gure lurraldeetatik harago zabaldu da. Estatuan, Toledon, Murtzian, Katalunian, Andaluzian eta Valentzian ere jarri dituzte hozkailuak kaleetan, elikagaiak behar dituenaren esku utzi eta, bide batez, alferrik ez galtzeko. Atzerrian, berriz, Brasilen, Hawaiin (AEB) eta Europako hainbat herrialdetan (Polonia, Frantzia, Ingalaterra, Alemania) jarri dituzte.
Hozkailu Solidarioa bultzatu nahi duenak horiek jarri dituzten tokietara joan, eta etxeko hozkailuan aurkitu eta berak kontsumituko ez duen hori bertan sartu besterik ez du egin behar. Halakorik etxetik gertu ez duenak Internet bidez lagun dezake, ekimena bultzatzen duten elkarteei diru-ekarpen bat eginez.
Albiste gehiago gizartea
Jose Mari Ustarroz eta Lekarozko 'Infernuko Gazta' Artzai Eguneko protagonista
4.950 euro ordaindu dituzte 44. Gazta Lehiaketako gazta irabazlearengatik. Euria ere izan den arren, Aralar Mendi Elkartea pozik agertu da aurreikuspen guztiak gaindituta, "txiki geratu" delako Uharte Arakil.
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.