Marseillako bost ultrak aske utzi dituzte, baina karguak egotzita
Olympique Marseillako eta Athleticeko zaletuen arteko liskarren ondorioz atxilotutako bost ultrek epailearen aurrean deklaratu dute ostiral arratsaldean, eta horrek aske utzi ditu denak. Hori bai, karguak egotzita.
Lau frantziarrak dira eta bat italiarra, 22 eta 31 urte bitartekoak. Desordena publikoak, agintaritzaren agenteen kontrako atentatua eta kalteak eta zauriak eragitea egotzi diete.
Olympique Marseillako ultrek istiluak eragin zituzten atzo arratsaldean Bilboko erdigunean, eta Ertzaintzak bost pertsona atxilotu zituen, Polizia autonomikoak eitb.eus-i baieztatutakoaren arabera. Beste hiru pertsonak zauriak izan zituzten.
Zauritutakoei dagokienez, horietako bat 28 urteko Athletic zale bat zegoen, eta Basurtuko Ospitalera eraman behar izan zuten. Beste bi zaurituak ertzainak dira.
Lau atxilotu frantziarrak dira eta bestea italiarra. 22 eta 31 urte bitarteko gazteak dira, eta guztiei honako ustezko delitu hauek egozten zaizkie: desordena publikoak, agintaritzaren agenteen kontrako atentatua eta kalteak eta zauriak eragitea. gaur utziko dituzte denak epailearen esku.
Juan Maria Aburtoren adierazpenak
Bilboko alkate Juan Maria Aburtok gaur goizean Radio Euskadiko Boulevard saioan atzo izandako istiluak izan ditu hizpide, eta esan duenez, "Bilbok ez du jende mota hori behar".
"Ez dugu etortzerik nahi, baina istiluetan parte hartu zuten bertokoek ere ez gaituzte ordezkatzen", adierazi du. Gaineratu duenez, ez da ohikoa izaten Athleticen Europako norgehiagoketan istilurik egoterik.
Ez du zalantzan jarri istiluak aurreikusteko orduan Ertzaintzak egindako lana, eta baieztatu duenez, badaki prestatuta zegoela: "arriskua kontuan hartu zen, baina egoerak aurreikuspen guztiak gainditu zituen", azaldu du.
Gertakarien kronologia
16:30ean, Frantziatik etorritako hainbat erradikal kalteak egiten eta hainbat pertsonari erasotzen hasi ziren San Mamesetik gertu; Rodriguez Arias, Maria de Diaz de Haro eta Poza Lizentziatua kaleetan zehazki.
Ondoren, ultrek Athleticeko zaleei aurre egin zieten, Ertzaintza heldu zen arte. Orduan, Ertzaintzak Olympique Marseillako zaleak eskoltatu zituen zelairako bidean, istilu gehiago ekiditeko asmoz; aitzitik, ibilbidean zehar tentsio-uneak bizi izan ziren talde Frantziarreko jarraitzaile ultren eta Ertzaintzaren artean.
Behin San Mames barruan, Marseillako ultrek arazoak eragin zituzten han ere, horien adierazle izan ziren piztu zituzten hainbat bengala.
Argazkia: EFE
Partida bukatu zenean, Ertzaintzak Marseillako jarraitzaileak mugaraino eraman zituzten liskar berririk egon ez zedin.
Athletic eta Marseilla 19:00etan neurtu ziren San Mamesen, Europa Ligako final hamaseirenetako itzulerako partidan. Joanekoan ere istiluak izan ziren Frantzian, bi taldeetako ultren artean.
Argazkia: Oscar Ferreiro Baron
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.