Elurrak kaosa eragin du Iruñeko eta Iruñerriko errepideetan
Gaur Iruñera errepidez heltzea amesgaiztoa izan da askorentzat. Izan ere, 05:30ean mara-mara hasi da, eta zurituta utzi ditu Nafarroako hiriburuko kale eta bideak. Hainbat auzotatik eta Bidearen Autobiatik (A-12) Iruñera minutu gutxian egin ohi duten ibilbidea ordu batzuetako bidaia bilakatu da gidarientzat.
Iruñeko Udalak elurra kentzeko 11 makina eta hainbat langile jarri ditu beharrean goizean goizetik. Iruñerriko autobus zerbitzuan atzerapenak izan dira goiz osoan, eta 'billabesak' ezin izan dira iparraldeko zenbait herritara heldu (Beriain eta Noain, esaterako). Errepideetan 20 bat istripu arin egon direla jakinarazi dute Udaltzaingoak eta Foruzaingoak.
Ezbehar larriena, baina, Legardan, A-12an, jazo da, Erreniegako tunelaren irteeran. Lau lagun zauritu dira, horietako bi larri, auto batek harrapatuta.
Nonbait, lau lagunak autotik atera dira istripua eduki duen gidari bat artatzeko, eta beste kotxe batek harrapatu ditu. Ezbeharra 07:55ean jazo da.
Elurraren ondorioz, A-15a itxita eduki dute kamioiek; eguerdirako zabaldu dute.
Horrez gain, Aenak jakinarazi duenez, Noaingo aireportutik atera behar zen lehen hegaldia (Iruñea-Madril, 06:30ean) hiru ordu geroago aireratu da. Segurtasun neurri gisa, pista hainbat aldiz garbitu dute, elur asko pilatu baita. Kaos horren lekuko izan da Nafarroako Parlamentua ere. Atzerapenez hasi da osoko bilkura, parlamentari askok Iruñera heltzeko zailtasunak izan baitituzte.
Nafarroa alerta laranjan izan da eguerdira arte, goizaldean, elur-kota 400 metroan kokatu da eta.
Gogotik bota du Baztanen, Ainhoa Karrikaburuk Arizkunen atera duen argazki honetan ikus daitekeenez.
Uholde txikiak eta marea biziak
Euskal Autonomia Erkidegoan (EAE), Araban bakarrik eragin ditu arazoak elurrak. Herrera, Bernedo eta Zaldiaran mendateak itxita egon dira goizean.
Euriteek Bizkaian eta Gipuzkoan eragin zitzaketen uholdeak ere izan dira kezka iturri. Izan ere, bi lurraldeok alerta laranjan zeuden eguerdira arte, prezipitazio handiak espero baitziren.
Goizaldean gogotik egin du euria, baita txingorra ere. Hala, Cadagua (Bizkaia), Zadorra (Araba), Oria eta Urola (Gipuzkoa) ibaien mailak gora egin du. Enkarterrin, maila laranja harrapatu du Cadaguak, baina, aurreikuspenen arabera, arratsalderako egonkortuko da.
Lur-jausi txikiak izan dira bigarren mailako errepide batzuetan, eta txapa istripu ugari jazo dira. N-634 errepidea itxita dago Zarautz eta Zumaia artean, olatu handiengatik.
Goizaldean, marea biziak egon dira, eta itsasadarrak gainezka egin du Elorrieta parean (Bilbo). Barakaldon ere, uholde txikiak eragin dituzte mareok.
Euskal kostaldea alerta laranjan zegoen itsasaldeko arriskuagatik, baina olatuek ez dute aparteko arazorik eragin Donostian eta Zarautzen:
Zure interesekoa izan daiteke
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.