Errefuxiatuen aldeko martxa jendetsua, Donostian
Europara iritsi nahian euren herrialdeetatik ihesean ateratzen diren milaka eta milaka errefuxiatuen egoera salatzeko, 2.000 lagun baino gehiagok hartu du parte Arrazakeriaren eta Xenofobiaren XIX. Martxan. Errefuxiatuak hartzeko bideak zabal ditzala exijitu diote Europari, "politika eraginkorrak" martxan jarrita.
SOS Arrazakeriak, Medicus Mundi Gipuzkoak eta Euskadiko GGKEen Koordinakundeak deituta, Pasaiatik Donostiara egin dute martxa, 'Ongi etorri donostiarrak' lelopean. Hirurogei bat elkarteak egin dute bat ekimenarekin.
Aurtengo edizioak izan duen parte-hartzea nabarmendu dute antolatzaileek. Horien hitzetan, errefuxiatuei babesa adierazteko "donostiarren olatua" kalera atera da gaur, euren "etxeetatik ihes egitera behartuta dauden milaka errefuxiatu" egunero ateratzen diren bezala.
Martxaren helburuak arrazakeria eta xenofobia salatzea, eta, aldi berean, Gipuzkoako gizartea sentsibilizatzea direla esan dute antolatzaileek.
Manifestu bat irakurri dute martxaren amaieran, eta bertan nabarmendu dutenez, ezinbestekoa da lehenbailehen politika eraginkorrak abian jartzea. Europak gai honen inguruan "agerian utzi dituen kontraesanak" salatu dituzte.
"EBko kide diren herrialdeek Giza Eskubideen Adierazpen Unibertsala sinatuta dute; jazarpena pairatzen duen pertsona orok du asiloa edo babesa edozein herrialdetan eskatzeko eskubidea, adierazpen horren arabera", esan dute.
Albiste gehiago gizartea
Eneko Goiak jaien lehen egunen "balantze positiboa" egin du eta Aste Nagusiaz gozatzen jarraitzeko deia egin die herritarrei eta bisitariei
Donostiako alkateak azpimarratu duenez, ez da "gertakari aipagarririk" izan, eta hori "albiste ona" dela uste du. Aste nagusia alaitasunez, giro onean eta umorez gozatzen jarraitzeko deia egin du Eneko Goiak.
Nafarroak 11 tularemia kasu baieztatu ditu aurten, eta horietako zazpik ospitaleratzea behar izan dute
2024an, bi kasu diagnostikatu ziren. Ultzama, Larraun eta Iza ibarretan izan dira kasu gehien. Lau kasutan gaixoek karraskarien gorpuak ukitu zituzten, eta beste lautan, berriki izan zuten kaparren ziztada. 2025ean 60 kasu baino gehiago baieztatu dira Espainiako Estatuan.
Bilboko Udalak eta konpartsek eraso matxisten, arrazisten eta LGTBIQfobikoen aurkako kanpaina aurkeztu dute Aste Nagusirako
Bilboko alkate Juan Mari Aburtok erakundeen eta herritarren "konpromisoa eta erantzukizun partekatua" eskatu ditu, eraso matxista, arrazista eta LGTBIQfobikorik gabeko Aste Nagusia bizitzeko.
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Egoera kezkagarria da Espainiako Estatuan, sute asko baitaude piztuta. Azken orduetan 7.000 lagun baino gehiagok gaua etxetik kanpo pasa dute eta bi pertsona hil dira suteen ondorioz, bat Madrilen eta bestea Leonen.
Baso-suteen erdia baino gehiago nahita eragindakoak izaten dira
Azken orduetan hainbat pertsona atxilotu dituzte baso-sute ezberdinen erantzule gisa, Avilako suhiltzaile bat, kasu, 2.200 hektarea baino gehiago erre baitzituen, antza, lana lortu asmoz.
Zarrakazteluko sutea freskatzen eta kontrolatzen jarraitzen dute
Gauean bertan lan egin duten suhiltzaileei txandaka egiten zaie lan 8:00etatik. Suhiltzaileek freskatze-lanak eta puntu beroen kontrola egingo dituzte asteazken goizean.