Pablo Ibar heriotzaren korridoretik aterako da datozen 15 egunetan
Pablo Ibarren heriotza-zigorraren baliogabetzearen aurka Fiskaltzak aurkeztutako helegitea atzera bota du Floridako (AEB) Auzitegi Gorenak. Otsailean erabaki zuen Gorenak zigorra baliogabetzea.
Floridako Gorenak Benjamin Waxman abokatuari igorri dio ebazpena, Fiskaltzaren helegitea atzera bota duela azaltzeko, Andres Krakenberger Pablo Ibar Heriotza-zigorraren aurkako Elkartearen bozeramaileak jakinarazi duenez.
Auzitegiaren erabakia ?berraztertzeko? helegitea Fiskaltzak aurkeztu zuen otsailaren bukaeran. Aste batzuk lehenago Ibarren heriotza-zigorra bertan behera utzi zuen auzitegiak. Hiru pertsona, taberna baten jabea eta bi modelo, 1994an hiltzea egotzi zioten Ibarri.
Epaiketa berria
Honenbestez, Floridako Gorenaren ebazpenak indarrean jarraitzen du. Ibarrek epaiketa berri bati egin beharko dio aurre, beraz.
Pablo Ibar Heriotza-zigorraren aurkako Elkarteak zehaztu duenez, ?15 eguneko epea? dute presoa espetxe-erregimen normal batera eramateko.
15 urte heriotzaren korridorean
Ibarrek ia 22 urte daramatza preso; horietako 15, Raindfordeko kartzelaren heriotzaren korridorean, Starken (Florida). 2000. urtean zigortu zuten, hilketa hirukoitza egin izana egotzita.
Zigorra baliogabetzeko, krimena gertatu zen tokian ?Ibarren DNA kamisetan ez aurkitzea? argudiatu zuen Floridako Auzitegi Gorenak. Hiltzaileak ?aurpegiaren zati bat estaltzeko? erabili omen zuen elastikoa.
Abokatuek Ibar errugabea dela esan dute beti. Hala, froga erabakigarriaren fidagarritasun eskasa azpimarratu zuen defentsak apelazioan. ?Soinurik gabeko bideo lauso eta pikorkatua? klubeko jabearen etxeko segurtasun-kamerek grabatu zuten. Aditu batek argi eta garbi esan zuen epaiketan bideoan jasotako irudiak ez zirela batere argi ikusten, eta, ondorioz, ez zutela egilea identifikatzeko balio.
Albiste gehiago gizartea
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.