Sexu-erasoagatik atxilotuetako bat guardia zibila da
Aurtengo sanfermin jaietako lehendabiziko egunean izandako sexu-erasoarekin zerikusia dutelakoan atxilotutako bost gizonezkoak andaluziarrak dira eta 23 eta 26 urte artean dituzte, ikerketako iturriek EiTBri baieztatu diotenez. Atxilotuetako bat guardia zibila da.
Epaileak behin-behinean eta bermerik gabe espetxera bidali ditu sexu-erasoagatik atxilo hartutako bostak.
Iturri horien arabera, Mercaderes kaleko segurtasun-kamera batek hartutako irudiei esker identifikatu dituzte ustezko bost erasotzaileak. Halaber, horietako batek bularrean duen tatuajeak ere, identifikazioa erraztu du.
Kamerak jasotako irudietan, biktimak emandako deskripzioarekin bat zetozen bost lagun atzeman zituen udaltzaingoak. Jarraipena egin, eta zezen plazaren inguruan aurkitu zituzten. Baliteke, gainera, atxilotuetako batek sexu-erasoa grabatu izana.
Erasoa atzo goizaldean, 04:30 inguruan, gertatu zen hiriko erdigunean. Biktima (19 urteko emakume madrildar bat) Paulino Caballero kaleko atari batean sartu zuten eta eraso egin zioten.
Erasoaren kontrako aldarria ozen entzun zen atzo Iruñean. Milaka herritarrek, erakundeekin batera, Udaletxe-plaza bete zuten sexu-erasoa gaitzesteko.
Argazkia: EFE
Bost atxilotutakoak polizia-etxean daude atxilotuta, eta ziurrenez, bihar eramango dituzte epailearen aurrera deklaratzera. Antza, denek ukatu egin dute erasoa, eta izandako harremanak emakumeak baimendutakoak izan zirela adierazi dute.
"Biktimaren ausardia"
Joseba Asiron Iruñeko alkateak biktimaren "ausardia" nabarmendu du, sexu-erasoa salatu duelako eta horri esker atxiloketak burutu ahal izan direlako.
Udalean ekitaldi batean parte hartu ondoren, Asironek hedabideen aurrean esan duenez, "onartezina eta barkaezina" da erasoa. Salaketarik egon izan ez balitz, erasoaren egileak "libre eta zigorgabe" geratuko lirateke, alkatearen aburuz. Dena dela, "zuhurtzia" eskatu du, harik eta datuak baieztatu arte.
Sexu-erasoei aurre egiteko, Iruñeko Udalak duen "konpromiso politikoa" azpimarratu du. Gisa honetako erasoak errotik desagerrarazteko gizarte eragileekin elkarlanean jarraituko dutela esan du. Atzo, Udalaren atarian egindako bilkurak "gizartearen gehiengoaren gaitzespena" irudikatu zuen, horren hitzetan.
Atxilotuei buruzko datuak ofizialki zergatik zabaldu ez dituzten galdetuta, Asironek adierazi du Udaltzaingoak eta Foru Poliziak ezarritako "irizpide profesionalak" kontuan hartuta ari direla gaiaren inguruko komunikazioa bideratzen.
Zure interesekoa izan daiteke
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe eskainiko du ibilbidea, eguneko 24 orduetan.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.