Equoren salaketa, 'Gorriti eta bere animaliak' ikuskizunaren aurka
Equo alderdi ekologistak salaketa administratiboa aurkeztu du Gipuzkoako Aldundian 'Gorriti eta bere animaliak' haur-ikuskizunaren kontra, aipatu izeneko enpresak Usurbilen eta Ordizian egin behar dituen ekintzen harira.
Equok Gipuzkoan horrelako ikuskizunen aurka jarri duen bigarren salaketa da; izan ere, duela hilabete bat Ingurugiro Fiskaltzaren eta Jaurlaritzaren aurrean aurkeztu zuen beste bat Zestoako Arroa Behea auzoan egin zen oilar-auskaren kontra.
Equok prentsa-ohar batean azaldu duenez, Aldundiari eskatu dio argi dezala Gorritik "udal eta foru baimen guztiak, eta adingabeen segurtasunerako bermeak" betetzen ote dituen.
Alderdi ekologistak azaldu duenez, "Euskadiko, Errioxako eta Nafarroako herrietan" egiten duten ikuskizun horretan "oso txekor txikiekin egiten duten sokamuturra, txerrikumearen harrapaketa eta oilar-auska egiten dute".
"Azken horien kasuan, behin eta berriz elkar jotzera bultzatzen dituzte; gero, horietako bat hartu eta bestea toreatzeko kapote gisa erabiltzen dute", gaineratu du.
Haurrentzako sokamuturrari dagokionez, alderdi ekologistak gogorarazi du Nazio Batuen Erakundea "adingabeei zezenketekin lotutako jaietan parte hartzea debekatzearen alde" agertu zela.
"Duela 40 urte, aipatu enpresa ikuskizunarekin hasi zenean, ez zegoen animaliak babesteko araudirik, baina gaur egun, bai", adierazi du Equok. Hori dela eta, Jaurlaritzari, aldundiei eta udalei "esku har eta legea betearaz dezatela" eskatu die.
Albiste gehiago gizartea
Ibiko suteak ez du sugarrik, eta Navaluengakoak jada 1.500 hektarea erre ditu
Ibin (Alacant), Font Roja parke naturaletik gertu, piztutako baso-sutea perimetratzea lortu dute, eta jada ez du sugarrik. Hala ere, suak martxan jarraitzen du Navaluengan (Avila), 26 kilometroko perimetroarekin, eta 1.500 hektarean da jada.
Ostiralean Anoetan txirrindulari baten heriotzan inplikatutako autoko gidaria epailearen esku utzi dute
Istripua ostiral arratsaldeko zortzietan gertatu zen, eta bertaratutako osasun-zerbitzuek Zizurkilgo 53 urteko kirolariaren heriotza baieztatu besterik ezin izan zuten egin.
Zaleak prest Peyresourden, Frantziako Tourraren 14. etapa ikusteko
Familia eta kuadrila asko hiru egun lehenago bertaratu dira lekurik onena hartzera, eta giroaz gozatzera. Hala, dozenaka karabana eta furgonetek kanpaleku erraldoia sortu dute egunotan.
Arrazismoaren aurkako kontzentrazioa Iruñean, Torre Pachecoko gertakariak gaitzesteko
Nafarroako arrazismoaren aurkako kolektiboek elkarretaratzea egin dute larunbat honetan Iruñeko Udaletxe plazan, gorrotoak eta indarkeria arrazistak gora egin dutela salatzeko.
18 urteko pertsona bat zauritu da Arroitzen, auto istripu batean
Zauritua Nafarroako Unibertsitate Ospitalera eraman dute, pronostiko erreserbatuko politrauma batekin.
Euromillones zozketak milioi bat euroko saria utzi du Donostian
Gipuzkoako hiriburuko 13. administrazioan baliozkotu dute saria, Madril etorbideko 24. zenbakian, Amara auzoan.
Samaniegon desagertutako 70 urteko gizon baten bila ari dira
Desagertua ostiral arratsaldean ikusi zuten azkenekoz; bilaketa Arabako Errioxako landa-eremuan egiten ari dira.
Euskararen aurkako azken epaia salatzeko elkarretaratzeak egin dituzte eguerdian UEMAk deituta
UEMAko presidenteak larritzat jo du Espainiako Auzitegi Gorenaren epaia, eta “adostasun sendoak” behar direla nabarmendu du Martin Aranburu lehendakariak. Euskarak lege-babesa behar duela azpimarratu du eta elkarrekin aritzeko deia egin die alderdi politikoei, euskal eragileei eta herritarrei.
Txirrindulari bat hil da Anoetan, auto batek harrapatuta
Istripua 20:00ak aldera gertatu da, GI-3630 errepidean.
Arrazakeriaren eta "morofobiaren" aurkako elkarretaratzeak Euskal Herrian
Arrazakeria ez dela gertakari isolatua salatzen dute, egiturazkoa baizik. Torre Pachecon gertatutakoen harira, azpimarratzen dute talde arrazistak beldurra sortzeko antolatzen ari direla, eta, beraz, batzeko deia egiten dute, elkarri eusteko.