Baionako besten hasiera-ekitaldia, bertan behera segurtasunagatik
Baionako bestetan ez dute aurten egingo ohiko hasiera-ekitaldia, non giltzak Lapurdiko hiriburuko herritarrei ematen zaizkien. Ostiral honetan aurkeztu dituzte zein segurtasun-neurri prestatu dituzten agintariek bestetarako, eta, Berria egunkariak bere edizio digitalean nabarmentzen duenez, ez dute egingo Udaletxeko balkoian tradizionala den ekitaldia. Hasiera batean, egitarauak aurreikusten zuen egitea, baina azkenik, Frantzia larrialdi-egoeran dagoela kontuan izanik, bertan behera utzi dute, eta segurtasuna asko sendotuko dute.
Naiz.eus web orriak zehazten duenez, Jean-Rene Etchegaray Baionako auzapezak esan du neurrien xedea dela "bestak ez desnaturalizatzea"; agintariek azpimarratu dute beharrezkoa dela psikosiari gailentzea, eta zurrumurru faltsuei sinesgarritasunik ez ematea; hain zuzen, astebete pasa da Nizako atentatutik (84 lagun hil ziren bertan).
Berriak jakitera eman duenez, datorren asteazkenetik aurrera lau sarrera izango dira jai-gunean sartzeko, eta poliziak guztietan izango dira (2015ean zazpi sarrera zeuden); debekatuta egongo da motxilak eramatea, eta poliziak gomendatu du nortasun-agiria eskuetan eramatea. Hiriko erdigunea itxita egongo da, eta zezen-plazan sartu nahi dutenei miaketak egingo dizkiete.
"Besten nortasunari eustea"
Naiz.eus-ek, aldiz, azaltzen du 115 kidek zainduko dutela Landetako tren-zerbitzua, geltokietan, eta Gendarmeria Nazionaleko 389 militar arduratuko direla Baionara eramaten duten errepideez. Gainera, Berriak dioenez, besten amaiera-ekitaldia, egingo duten arren, gainerako urteotan baino xumeagoa izango da, eta suziri bat botako dute.
"Neurri hauekin, besten nortasunak bere horretan jarraituko du", esan du Pierre-Andre Durand prefektuak, zeinak aipatu dituen zeintzuk diren segurtasun-indarren beldur nagusiak: "Jende asko bildu eta mugituko dela, alkohola, istripuak eragin dituelako, eta erasoak, batez ere gauetan".
z ere gauetan".Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.