Sanferminetako bortxaketagatik atxilotutako 5 lagunak auzipetu dituzte
18 urteko gazte bat uztailaren 7an, Iruñean, bortxatzea egotzita bost pertsona atxilotu eta espetxera bidali zituzten. Epaileak gizonak auzipetzea erabaki du orain, bost sexu-eraso delitu eta lapurreta leporatuta.
Epaileak auzipetuak irailaren 2an galdekatuko ditu espetxeetan, bideokonferentzia sistemaren bidez.
Auzipetzeko aginduaren aurkako helegitea aurkez dezakete Nafarroako Lurralde-auzitegiaren aurrean. Iruñeko epaitegietako magistratuak 500.000 euroko bermea ezarri die auzipetuei, “gertakariak oso larriak direlako, taldean eta behin eta berriro egin dutelako, koito anitzekin”.
Epaitegiak jakitera eman duenez, kriminaltasun zantzuak eta gertakariak zehazteko orduan biktimaren adierazpenak, froga biologikoak, auzipetuek beraiek grabatutako bideoa eta Udaltzaingoaren txostenak kontuan izan ditu magistratuak.
Autora arte lagundu behar zuten
Uztailaren 7an, 03:00ak aldera, ebazpenaren arabera, J.A.P.M auzipetua gaztearekin hitz egiten hasi zen Gazteluko plazan. Berak eta J.E.D., A.J.C.E., A.M.G.E eta A.B.F lau adiskideek autora arte lagundu behar zuten. Biktimak bertan lo egiteko asmoa zuen.
Bidean, Paulino Caballero kaleko atari bat zabalik zegoela aprobetxatuz, J.A.P.M.k atea ez ixteko eutsi eta gazteari “eskumuturretatik” heldu zioten. Atarian “behartuta sartu, inguratu eta nagusitasun fisikoaz baliatuz” sexu-erasoa bideratu zuten. Emakumeak ezin izan zuen uko egin.
Bien bitartean, A.M.G.Ek “bere mugikorrarekin, eta gainerakoen baimenarekin, dena grabatu zuen”. Ondoren gerriko poltsatik mugikorra kendu zioten biktimari, telefonoaren bi memoria txartel eta zorroa utzita. Gaztea jantzi eta ataritik atera zenean negarrez hasi zen. Ezezagun batzuek artatu zuten. Poliziari abisua eman zioten, sexu-eraso baten biktima izan zela aitortu ondoren.
Udaltzaingoari gertatutakoa kontatu zion berehala, eta egileen identifikaziorako datu erabakigarriak eman zituen. Erasotzaileak zezen-plazan aurkitu zituzten entzierroa bukatu ondoren.
Magistratuaren hitzetan, biktimaren baimenik ez zen sekula izan, inondik inora ere. Grabazioa horren lekuko dela ebatzi du epaileak, nagusitasun fisikoaren egoera bistakoa delako.
istakoa delako. istakoa delako.Albiste gehiago gizartea
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Erregelamenduaren erreforma berriak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.