Nafarroa akusazioa izango da San Fermin eguneko bortxaketaren auzian
Nafarroako Gobernuak erabaki du herri-akusazio gisa aurkeztea San Fermin egunean izan zen bortxaketaren auzian, Iruñeko 4. Instrukzio Auzitegian.
Nafarroako Gobernuaren Justizia Departamentuak bere gain hartuko du prozesua, Ana Herrera bozeramaileak jakinarazi duenez.
Era berean, Nafarroako Gobernuak gaur onartu duen adierazpen instituzionalaren arabera, herri-akusazio gisa aurkeztuko da aurrerantzean emakumeen kontrako indarkeria kasu larrienetan.
Biktimak uztailaren 7an bertan salaketa jarri ondoren, bost gizon atxilotu zituzten, guztien artean emakumea bortxatzea leporatuta, eta behin-behinean preso daude.
Maria Jose Beaumont Nafarroako Gobernuko Justizia kontseilariak azaldu duenez, salatutakoa "oso larria da, biktimak jasotako indarkeriagatik ez ezik, erasotzaile askok parte hartu zutelako eta indarkeria fisikoa erabili zutelako, gehiago eta indartsuagoak zirela baliatuta".
Iragan berri diren sanferminetan izandako gainerako bortxaketa eta sexu-gehiegikerien inguruan galdetuta, kontseilariak esan du Gobernuaren asmoa auzietan akusazio gisa jardutea dela, prozesu judizialak aurrera egiten duen heinean.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
Eusko Jaurlaritzak euskara azterketetako zeroen auziko "balizko gorabeherak" aztertzeko eskatu dio EHUri
Unibertsitate eta Hezkuntza sailburuek eta errektoreak urgentziazko bilera egin dute, giro adeitsuan. Aurretik, Jaurlaritzaren bozeramaileak eskatuta zuen azterketak azkar zuzen ditzatela, eta Unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
39 urteko gizon bat atxilotu dute, Basaurin adingabe bati sexu-erasoa egitea egotzita
Erasoa larunbat goizaldean egin zuten, lonja batean.
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Amaitu da Martuteneko presoak Zubietako espetxe berrira lekualdatzeko prozesua
Ertzaintzaren konboi batek 230 preso eraman ditu asteazken honetan Martutenetik Zubietako espetxe berrira, segurtasun neurri zorrotzekin. Operatibo honekin amaitutzat eman da espetxe zaharraren huste historikoa.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.