Gizonezko bat atxilotu dute Manresan jihadismoarekin lotura duelakoan
Polizia Nazionalak gizonezko bat atxilotu du gaur, asteazkena, Manresan (Bartzelona), "ideia jihadistak eremu birtualean zabaltzea" leporatuta.
Barne Ministerioak jakinarazi duenez, operazioa 5 zenbakiko Instrukzio Epaitegi Zentralak gidatuta eta Auzitegi Nazionalaren Fiskaltzarekin koordinatuta egin dute.
Barne Ministerioaren arabera, operazio horri esker "segurtasun nazionalaren aurkako mehatxu garbia desaktibatu" dute. Izan ere, atxilotua, plataforma birtualak baliatuta, "talde terrorista jihadisten, zehazki, DAESHen, erradikaltasun estrategia eta ideiak gero eta gehiago zabaltzen ari zen".
Ikerketak "atxilotuaren arriskua erakusten duten bestelako elementu batzuk gaineratzea ahalbidetu du, zehatz-mehatz, izaera ezegonkorra eta zakarra". Ministerioaren oharrak dioenez, elementu horiek egin dute azken hilabeteetan "jihadismoarekiko konpromisoa handitu eta Sirian eta Iraken borroka guneetan izandako batekin harremanak estutzea; sare sozialen bidez, aholkuak eskatzen zizkion azken horri".
Operazioa ez dute bukatutzat eman, baina "mezu jihadistak zabaltzen zituen plataforma birtual bat" desaktibatu dute, "erradikaltasuna, kideak erakartzea eta jarduera terrorista areagotzeko gelaurrea", Ministerioaren esanetan.
Operazioan, Polizia Nazionaleko Informazio Komisaria Nagusiko agenteek, Kataluniako Polizia Nazionaleko Buruzagitza Nagusiak, Kordobako Polizia Nazionaleko Informazioaren Probintzia Brigadak eta Marokoko Zaintzarako Zuzendaritza Nagusiak parte hartu dute.
Zure interesekoa izan daiteke
Lekuko-hartze "sinboliko eta hunkigarriak" izango dituela aurtengo Korrikak aurreratu dute antolatzaileek
EITBren Bilboko egoitzan egin dute AEKren aldeko lasterketaren aurkezpen soziala. Gizarteko eragile ugari izan dira bertan. Aurtengo edizioan 3.400 lekuko-hartze baino gehiago izango direla iragarri dute antolatzaileek, inoiz baino gehiago, eta horietako asko "sinbolikoak eta hunkigarriak" izango direla diote.
Protesta jendetsua Eibarren, haurreskoletan plaza nahikorik ez dagoela salatzeko
Dozenaka familiak protesta zaratatsua egin dute ostegun honetan Eibarko Untzaga plazan, herriko haurreskoletan plaza nahikorik ez dagoela salatzeko.
Rene Redzepi Noma jatetxeko sukaldari daniarrak kargua utziko du, langile ohiek abusuak leporatu ondoren
2009. eta 2017. urteen artean Redzepik kalte fisikoak eta psikologikoak eragin zizkiela salatu zuten jatetxe horretako dozenaka langile ohik. "Aldaketek ez dute iragana konpontzen", azpimarratu du Redzepik.
Realak Sevillan jokatuko duen Kopako finalerako sarrera faltsuak saltzen ari direla ohartarazi du Ertzaintzak
Zale batek jarritako salaketa baten bidez, Ertzaintzak izapideak ireki ditu ustezko iruzur-delitu batengatik.
Osakidetzako 1.047 profesionalek salatu zituzten erasoak 2025ean; horietatik 856, emakumeak
Osasun Profesionalen aurkako Erasoen kontrako Europako Eguna dela eta, ostegun honetan, Osakidetzak zehaztu du 2025ean jakinarazitako eraso guztietatik 94tan (% 9) lesioa eragin zutela, gehienek bajarik eragin gabe. Gainerakoak, 953 guztira (% 91), lesiorik gabeko erasoak izan ziren, hala nola irainak eta mehatxuak.
Ikerketaren arabera, ezbeharra izan zen pasabideko torlojuak oso herdoilduta zeuden
Bocal inguruan izandako istripuaren ondorioz Polizia Zientifikoak egindako ikuskapenaren arabera, euskarriak eta torlojuak herdoilak janda zeuden.
Beloradoko moja ohiak monasteriotik atera dira, epea amaitu baino ordu batzuk lehenago
Francisco Canals Beloradoko moja ohien bozeramaileak jakinarazi duenez, 02:46an atera dira monasteriotik. Hori egin aurretik, Laura Garcia de Viedma abadesa ohiak elizako aldarean zegoen azken kandela eta eraikineko argi guztiak itzali ditu.
Azkenekoz Fustiñanan ikusi zuten 17 urteko neska baten bila ari dira
Zabaldutako datuen arabera, 1,60 metro luze da, gorpuzkera mehea du, eta begi marroiak eta ile beltz luzea ditu.
Hiztunen Berdintasunaren Alde: "Gure plataforma ez dago inongo trama, konplot edo konspiraziorekin nahastuta"
Elkarteak defendatu du bere jarduera bakarra Osakidetzako langileen "lan-eskubideak defendatzea" dela, eta ziurtatu du "erkidegoko bigarren hizkuntza" den euskara "beti" errespetatzen dutela.
Ertzaintzak gizon bat atxilotu du Bilbon, emakume bati sexu-erasoa egiten saiatzeagatik
Biktimak jarritako salaketaren arabera, San Frantzisko kaleko atari batean sexu-erasoa egiten saiatu zen atxilotua, 42 urteko gizona. Sexu-askatasunaren aurkako delitua leporatuta atxilotu dute.