Ziberjazarpena: WhatsApp bidez, eta, batez ere, neskei
Teknologia berriak baliatuta egiten den eskola jazarpena, ziberjazarpena edo ziberbullyinga, Estatuan dauden jazarpen kasuen laurdena da jada, "Ziberbullyingaren ikerketa, kaltedunen arabera" izeneko azterketak jaso duenez. Mutua Madrileña eta ANAR fundazioek (Arriskuan dauden Ume eta Nerabeentzako Laguntza) egin dute 2013 eta 2015 artean azken erakunde horren telefono zenbakian (900 20 20 10) biktimek eta horien senideek egin dituzten ehunka dei aztertu eta gero.
"Datu base handia geneukan, eta, horri esker, arazoa barrutik aztertu dugu, pairatzen dutenen ikuspuntutik", azaldu du Benjamin Ballesteros ANAR fundazioaren programen zuzendariak.
Ikerketa horren arabera, ziberjazarpenaren biktimak neskak dira gehienbat (kasuen % 70ean) eta 14 bat urte dituzte (13,6, batez beste). Familia arrunt (aita, ama eta anaia-arrebak) bateko alaba izan ohi da, arazo ekonomiko bakoa.
Eskola inguruko jazarpen kasuetan sexuen arteko oreka handiago dago biktimen artean. Ziberbullyingean, ordea, neskak dira nagusi.
Jazarpena egunero pairatzen dute (kasuen % 72), teknologia berriak egunerokoaren parte direlako, ikerketaren esanetan. Gehienetan irainak (kasuen % 81) jasotzen dituzte biktimek, baina baita mehatxuak (% 37) eta euren kontrako zurrumurruak (% 11) ere.
Jazartzaileak ere nerabeak izan ohi dira, "agresibitateak eta mendekuak jotakoak".
Ikertzaileen arabera, jazarpena egunero pairatuta ere, biktimek gutxienez ikasturte oso bat ematen dute sufritzen inori laguntza eskatu baino lehen.
WhatsApp bidez
Kasurik gehienetan, sakelako telefonoa erabiltzen da jazarpena egiteko, gehienetan (% 81) WhatsApp aplikazioaren bidez.
Ikertzaileen aburuz, biktimari tratamendu psikologiko egokia ematea da ziberjazarpena gainditzeko modurik egokiena. Hala, erasotzaileari aurre egiteko, bere burua defendatzeko eta bere autoestimua indartzeko aukera izango du nerabeak. Ikastetxeak neurriak hartzea ere ezinbestekoa da, adituen hitzetan.
Horren ildoan, Estatu osoan era bateratuan jarduteko protokolo baten beharra nabarmendu dute ikerketaren egileek.
ANAR fundazioak emandako datuen arabera, 2013-2015 aldian zenbatutako kasuen % 5,8 Euskal Autonomia Erkidegoan izan ziren, eta bakar bat ere ez, Nafarroan.
Albiste gehiago gizartea
Protestek ez dute etenik Vueltan, baina Fiskaltzaren ustez ez dira Audientzia Nazionalaren eskumena
Valladoliden jokatu den erlojuaren kontrako etapan bi pertsona atxilotu dituzte eta aske gelditu dira ondoren. Horrez gainera, beste 15 identifikazio egin dituzte polizia-agenteek.
Sestaoko xake txapelketa bandera eta sinbolorik gabe jokatuko da
Gazako sarraskia dela eta, Sestaoko Xake taldeak jokalari israeldarrei eskatu zien txapelketan ez parte hartzeko edo nazioarteko federazioaren banderapean jokatzeko. Nazioarteko Xake Federazioak, ordea, erabaki horren aurka egin du. Ondorioz, Las Llanas pilotalekuan nazioarteko banderarik edo sinbolorik ez egotea erabaki dute; Palestinako bandera bat soilik, “elkartasun espresio gisa”. Israelgo hiru jokalarik parte hartzeari uko egin diote.
ELA sindikatuaren ustez, Beatriz Artolazabalen aurkako panfletoen jaurtiketa "guztiz gaitzesgarria" da
Rafael Busto ELA sindikatuko ordezkariak adierazi duenez, ez dute inor seinalatu nahi. "Gure lan-gatazka konpondu nahi dugu. Ez diogu errua inori egozten, Gasteizko Udalari baizik", gaineratu du Bustok.
Bere etxe aurrean izandako "jazarpen ekintza" ez gaitzestea leporatu dio Artolazabalek EH Bilduri
Beatriz Artolazabal Gasteizko zinegotziak salatu duenez, ostegun goizean irainak eta sinbolo iraingarriak zituzten panfletoak bota dituzte bere etxe aurrean, Enviserreko langileen grebaren baitan.
Israelgo zazpi xake jokalarietatik hiruk baja eman dute ostiral honetan hasiko den Sestaoko txapelketan
Sestaoko Xake Klubak, Israelek Gazan "giza eskubideen urraketa sistematikoa" gaitzesteko, joan den astean Israelgo xakelariak gonbidatu zituen txapelketan ez parte hartzera eta, hala eginez gero, FIDEren (Nazioarteko Xake Federazioa) banderapean jokatzera, izan ere, 'open' kategoria denez, antolatzaileek ezin diete lizentzia duten jokalariei parte hartzea galarazi.
Bonolotoak ia bi milioi euroko saria utzi du Zarautzen
Zarauzko Xoxoa tabernan baliozkotutako txartel bati 1.972.129 euroko saria eman diote Bonolotoaren zozketan.
Ingurumen Fiskaltzak salaketa jarri du Bilboko portuan hondakin kutsagarriak isurtzeagatik
2024ko azaroan, zisterna-kamioi batetik 3.000 eta 5.000 litro artean isuri zituzten hainbat pertsona harrapatu zituen Guardia Zibilak
Joxerramon Bengoetxea: "Protesta egiteko forma batzuk guztiz lekuz kanpo daude"
2025-2026 ikasturtearen inaugurazio ekitaldian izandako istiluei buruz galdetuta, Joxerramon Bengoetxea EHUko errektoreak adierazi du ekitaldian parte hartu zuten batzuek jasotako irainak "deitoragarriak" direla. "Gure unibertsitateak Gazarekiko prestatu zuen elkartasun mezuari zapuztu zuten", gaineratu du Bengoetxeak.
Zazpi pertsona zauritu dira Sestaon lotan zeuden pabilioian piztutako sutean kea arnastuta
Sua gaur goizaldeko seiak aldera hasi da, Galindoko Padurak kaleko nabe batean. Pabiloi horretan lo egiten zuten zazpi pertsona artatu dituzte kea arnasteagatik, eta, azkenean, San Eloy eta Gurutzetako ospitaleetara eraman dituzte.
Artolazabalek bere etxe aurrean izan den "jazarpen ekintza" berri bat salatu du, Enviserreko grebarekin lotuta
Gasteizko zinegotziak salatu duenez, gaur goizean irainak eta sinbolo iraingarriak zituzten panfletoak bota dituzte bere etxe aurrean. Poliziak ekainaren 25ean antzeko gertaera batengatik hasitako ikerketa zabalik du.