Enrichen eta Lunaren bideoan agertzen den emakumeak salaketa jarri die
Sergi Enrich eta Antonio Luna Eibar futbol taldeko jokalariekin bideoan ageri den emakumeak salaketa jarri die biei, irudi horiek bere baimenik gabe grabatu eta zabaltzeagatik. ''Geldi, hori ez'', esaten du emakumeak grabazioaren une zehatza batean, kamerari begira.
Kode Penalak, 2015eko uztailean indarrean jarritako erreformaren ostean, intimitatearen eta norbere irudiaren kontrako delitu gisa jasotzen du biktimaren baimenarekin grabatutako irudiak biktimaren baimenik gabe hedatzea.
Joan den udatik, Kode Penalaren 197.7 artikuluak jasotzen duenez, irudiak baimenarekin grabatu arren baimenik gabe zabaltzeak hiru hilabete eta urtebete arteko espetxe-zigorra izan dezake, edo sei eta hamabi hilabete arteko isuna.
CONTENIDO NO ENCONTRADO
Baimenik gabe bideo bat grabatzea, publikatzea edo birbidaltzea delitua da.
Barkamena
Enrich eta Luna jokalariek, bestalde, barkamena eskatu dute, biak emakume horrekin batera agertzen diren bideoa sare sozialetan lau haizeetara zabaldu delako.
Enrichen Twitter kontuan zabaldutako agiri baten bidez, futbolariek penagarritzat jo dute bideo hori argitaratu izanak "gure irudiari, baina, gehienbat, klubaren irudiari kalte" egin izana eta "zaleak eta, oro har, Eibar hiria iraindu" izana.
Bertan zabaldu dutenez, biak jakitun dira "futbolari profesionalek eredu izan behar dutela orokorrean, baina umeentzat bereziki", eta, hori dela eta, "barkamena eskatu" dute "gertaera honek norbait iraindu badu".
Era berean, bideoak bertan agertzen den "emakumeari egin lekiokeen kalteagatik" ere eskatu dute barkamena.
Jokalariek esan dutenez, "sexu edukia" duen bideoa "ekitaldi pribatu eta intimo baten grabazioa da, pertsona helduen artean egindakoa, denon oniritziarekin eta askatasunaren barruan".
Halaber, oso tamalgarritzat jo dute eurek egin ez duten "arinkeria" baten ondorioz "irudiok argitara eman izana, baimenik gabe eta jakitun izan gabe".
Azkenik, "hiri eta zale eredugarri batzuk" ordezkatzen dituen "klub eredugarri bateko futbolari gisa", Eibarrera heldu direnetik transmititu dizkieten balioei eutsiko dietela azpimarratu dute, eta gertakari honek "klubaren irudiari kalterik ez egitea" espero dutela gaineratu dute.
Albiste gehiago gizartea
Bilboko Udalak eta konpartsek eraso matxisten, arrazisten eta LGTBIQfobikoen aurkako kanpaina aurkeztu dute Aste Nagusirako
Bilboko alkate Juan Mari Aburtok erakundeen eta herritarren "konpromisoa eta erantzukizun partekatua" eskatu ditu, eraso matxista, arrazista eta LGTBIQfobikorik gabeko Aste Nagusia bizitzeko.
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Egoera kezkagarria da Espainiako Estatuan, sute asko baitaude piztuta. Azken orduetan 7.000 lagun baino gehiagok gaua etxetik kanpo pasa dute eta bi pertsona hil dira suteen ondorioz, bat Madrilen eta bestea Leonen.
Baso-suteen erdia baino gehiago nahita eragindakoak izaten dira
Azken orduetan hainbat pertsona atxilotu dituzte baso-sute ezberdinen erantzule gisa, Avilako suhiltzaile bat, kasu, 2.200 hektarea baino gehiago erre baitzituen, antza, lana lortu asmoz.
Zarrakazteluko sutea freskatzen eta kontrolatzen jarraitzen dute
Gauean bertan lan egin duten suhiltzaileei txandaka egiten zaie lan 8:00etatik. Suhiltzaileek freskatze-lanak eta puntu beroen kontrola egingo dituzte asteazken goizean.
Gasteizko kaleetan bizi diren 50 bat maliar, asiloa noiz tramitatzeko zain
Maliko 50 bat asilo-eskatzaile kalean bizi dira Arabako hiriburuan. Eusko Jaurlaritzak Espainiako Gobernuari eskatu dio azkarrago bideratzeko EAEn dauden asilo-eskatzaileak inguruko erkidegoetan kolektibo horiei arreta emateko dauden zentroetara, haietan plaza "libreak" baitaude.
Kontrolpean da Errioxan piztu eta Bastidara iritsi zen sutea
Errioxako San Pelaio mendian piztu zen sua, eta ordubete pasatxoan egin zuen salto Arabara, haizearen eraginez.