16 urtetik gorakoen % 33,9 euskaldunak dira, 1991n baino % 10 gehiago
Euskal Autonomia Erkidegoko (EAE) 16 urtetik gorako biztanleen % 33,9 euskaldunak dira, duela bost urte baino % 2 gehiago eta orain 25 urte baino % 10 gehiago. Hala eta guztiz ere, biztanleen % 30,6k hitz egiten dute euskaraz.
Bost urtean behin egin ohi den inkesta soziolinguistikoaren emaitzak aurkezten hasi dira. Gaur, Patxi Baztarrika Eusko Jaurlaritzako Hizkuntza Politikarako sailburuordeak VI. inkesta soziolinguistikoaren EAEko emaitzak aurkeztu ditu Donostian, Mikel Arregi Nafarroako Gobernuko Euskarabidea Institutuko zuzendari nagusia eta Mathieu Berge Ipar Euskal Herriko Euskararen Erakunde Publikoko presidentea alboan zituela. Izan ere, aurten, lehen aldiz, Euskal Autonomia Erkidegoko, Nafarroako Foru Erkidegoko eta Iparraldeko erakundeen elkarlanean egin eta finantzatu dute inkesta hori.
Inkesta soziolinguistikoa egiteko 16 urte edo gehiagoko biztanleen unibertsoa hartu dute kontuan eta horretarako Euskal Autonomia Erkidegoan 4.200 galdetegi egin dituzte.
Euskararen ezagutzak adin tarte guztietan egin du gora, baina batez ere gazteen artean. Gaur egun, 16tik 24ra bitarteko EAEko herritarren % 71,4 euskaldunak dira; 1991n, % 25 ziren.
Hala eta guztiz ere, lurraldeen arteko "ezberdintasun nabariak" daudela egiaztatu du inkesta soziolinguistikoak: Gipuzkoan, herritarren % 50,6 euskalduna da; Bizkaian, herritarren % 27,6 eta Araban, herritarren % 19,2.
Hizkuntzaren ezagutzak gora egiteaz gain, euskararen aldeko jarrera eta erabilera ere hazi egin dira. Euskararekiko jarrerari dagokionez, biztanleen % 65 euskara sustatzearen alde daude, 1991n baino % 10 gehiago eta 2011n baino % 3 gehiago. Aitzitik, geroz eta gutxiago dira kontra daudenak: 1991n % 14, 2011n % 12 eta 2016an % 9,3. Euskararen erabilerari erreparatuta, berriz, ia zortzi puntu hazi da gizarteko alor guztietan, eta Patxi Baztarrikak etxe barruko erabileran izandako hazkundea nabarmendu du.
Bestalde, gaur aurkeztutako datuak Euskal Autonomia Erkidegokoari dagozkionak dira eta datozen hilabeteotan ezagutuko dira Nafarroako eta Iparraldeko datuak.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.