Bizkaiak azaroaren 1ean jarriko du abian Neguko Bidezaintza Plana
Bizkaiko Diputazioak datorren azaroaren 1ean jarriko du abian Neguko Bidezaintza Plana, eta izotzaren nahiz elurraren eraginak arintzeko 381 lagunek egingo dute lan, iaz baino 19 pertsona gehiagok. Gainera, aurten Foru Aldundiak baliabide material gehiago jarri ditu: elurra kentzeko 76 makina eta 9.725 tona gatz.
Imanol Pradales Ekonomia eta Lurralde Garapena Sustatzeko foru diputatuak eta Jon Larrea Azpiegituretarako eta Lurralde Garapenerako zuzendari nagusiak gaur aurkeztu dituzte 2017ko apirilaren 30era bitartean indarrean egongo den neguko planerako bideratuko diren baliabideak.
Pradalesen esanetan, giza baliabide eta materialak ugaritu dituzte. Gidari, laguntzaile, zaindari eta langileak aintzat hartuta, guztira 381 pertsonak lan egingo dute, aurreko urtean baino 19 pertsona gehiagok. Baliabide materialei dagokienez, elurra kentzeko bi makina gehiago (76 guztira) eta 535 tona gatz gehiago (9.725 tona) jarriko ditu eskura.
Aurten, gatza biltzeko beste gune bat ireki dute Txorierrin eta elurra kentzeko beste makina bat arituko da lanean, Bilboko metropoliaren beharrei erantzuteko. Gainera, Bizkaiko errepideetako "gune korapilatsuetan" sei estazio berri jarri dituzte, "gune bakoitzeko" datuak izateko eta "aldez aurretik" lan egiteko.
Zehatz-mehatz esanda, sei estazio horiek BI-636 errepidean, Balmasedan; Bi-631 errepidean, Mungian; BI-2238 errepidean, Gautegiz-Arteagan; N-634 errepidean, Erletxen; BI-635 errepidean, Autzaganen; eta N-240 errepidean, Barazarren.
Iazko balantzeari dagokionez, Jon Larreak azpimarratu du ez zela ez alerta laranjarik ezta gorririk egon, eta abisu hori gehienak urtarrila-martxoa bitartean izan zirela: "24 alerta izan genituen guztira elurragatik, eta 22, berriz, tenperatura baxuengatik". "Iazko esku-hartzeen balantzearen arabera, 3.361 orduz jardun zuten elurra kentzeko makinek, eta orain bi urte, berriz, 11.000", gaineratu du.
Zure interesekoa izan daiteke
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".