Renfek eta Euskotrenek zerbitzua indartuko dute Behobia-Donostiarako
Behobia-Donostia herri lasterketa dela-eta, Renfek eta Euskotrenek zerbitzu bereziak eskainiko dituzte azaroaren 13an, Donostia eta Irun arteko zerbitzuen maiztasuna indartzeko.
Euskotren sozietate publikoak zerbitzu bereziak izango ditu azaroaren 13an, igandean, Behobia-Donostia lasterketan parte hartu nahi dutenei laguntzeko, Eusko Jaurlaritzako Ingurumen eta Lurralde Politikako Sailak jakinarazi duenez.
Zerbitzu bereziak egongo dira Amara eta Irun (Ficoba) artean, eta geraleku guztietan egingo dute geldialdia. Ordu hauetan abiatuko dira Amaratik: 07:50, 08:50, 09:00 eta 09:30. Zerbitzua 15 minuturik behin izango da 12:00ak eta 14:30 bitartean, baina Iruneraino bakarrik iritsiko da.
Bestalde, Altzatik Ficobara joateko, erabiltzaileek Altzan hartu beharko dute trena, eta Herreran garraioa aldatu beharko dute. Zumaiatik Hendaiarako trena ere egongo da.
Informazio gehiago behar duten erabiltzaileek Euskotrenen telefono zenbaki honetara dei dezakete: 902 543 210. Horrez gain, geltokietan eta geralekuetan ere jaso dezakete informazioa, baita www.euskotren.eus webean eta Twitterren (@euskotrenEJGV) ere.
Renfek zerbitzu bereziak antolatu ditu ere Behobia-Donostia lasterketaren 52. ediziorako. Horretarako, jaiegun arrunt batean baino 10.000 leku gehiago eskainiko ditu, aldiriko 13 tren eta Bartzelonako bi Alvia jarriko baititu kirolarien esku.
Gipuzkoako partaideentzat, Renfek tren bereziak prestatu ditu aldiriko sarean zerbitzua emateko. Konpainiak zazpi tren berezi jarriko ditu korrikalarientzat, eta zerbitzu gehigarriak senide eta zaleentzat, bai hiriburura joateko bai etxera itzultzeko.
Irun helmuga duten zerbitzu berezietan, lehenengo trenak 07:17an, 08:00etan, 08:30ean eta 09:12an irtengo dira Tolosatik, eta 07:17an, Zumarragatik. Donostiatik, berriz, 08:41ean eta 09:10ean abiatuko dira.
Txartelak euro bateko prezioa izango du proban izena eman duten korrikalarientzat, Gipuzkoako edozein udalerritatik abiatzen direla ere, eta Irungo geltokira trenez heldu eta bertatik autobus anezka hartuta Behobiara iristeko balioko du. Txartelak aurretik eros daitezke (urriaren 24a eta azaroaren 12a bitartean), Gipuzkoako geltokietako txartel-leihatiletan eta autosalmentarako makinetan (Irun-Brinkola sarean).
Fortuna Klubaren bulegoetan ere eros daitezke, Pio Baroja kiroldegian, eta azaroaren 11n (ostirala) eta 12an (larunbata), Donostiako Kursaal jauregian ere erosi ahalko dira, Korrikalariaren Ferian.
Zure interesekoa izan daiteke
AEK-k Korrikatik kanpo utzi du CCOO sindikatua, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta "Argia" aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du
29. edizioak Trintxerpe eta Donostia zeharkatuko ditu, "Erroldarik gabe ez naiz existitzen" lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.