Adin txikikoen ustezko prostituzio-sare bat ikertzen ari dira Araban
Ertzaintza Arabako Foru Aldundiaren zaintzapean dauden gutxienez bost adin txikikorekin lotutako prostituzio-sare bat ikertzen ari da. Auzi horregatik dagoeneko psikologo bati espetxe prebentiboa ezarri diote.
Arabako Foru Aldundiaren Sansoheta zentroko (Gasteizen) zuzendariak salatu zuen kasua urriaren 6an, zenbait gazterekin izandako tutoretza-bileretan jarduera susmagarriak egiten zirela jakin ostean.
Hori horrela, Ertzaintzak deklarazioa hartu zion adin txikiko neska bati, eta hark baieztatu zien Arabako hiriburuko etxebizitza batean diruaren truke sexua praktikatzen zuela eta beste batzuk ere gauza bera egin zutela. Harrera-zentroko monitore bati (dagoeneko lanetik kendu dutena) eta Foru Aldundiari zerbitzuak eskaintzen dizkien pertsonei leporatu zien ardura poliziaren aurrean deklaratu zuen neskak. Gainerako kasuen gainean ez da daturik ezagutu.
Ikerketen ondorioz, duela egun batzuk Ertzaintzak psikologo bat atxilotu zuen, tarteka Diputazioarekin batera lan egin duena adopzio-kasuetan. Epailearen aurrean deklaratu ostean, hark espetxera bidali zuen sexu-abusuak egotzita.
Atxilotutako psikologoa ez da adin txikikoen zentroko langilea eta Diputazioak ez zituen bost adingabe horiek haren kontsultara bidaltzen; horrenbestez, Foru Aldundiak ez daki nola jarri zen harremanetan beraiekin.
Epaileak isilpeko sumarioa ezarri die kasuko ikerketei. Ikerketa-lan horietan zetroko adingabe gehiagori eta monitoreei deklarazioa hartu diete.
Gizarte Zerbitzuetako diputatuaren agerraldia
Beatriz Artolazabal Arabako Gizarte Zerbitzuetako diputatuak agerraldia egin du gaur eguerdian. Jakinarazi duenez, adin txikikoak 14 eta 17 urte bitartekoak dira, zentroan erregimen irekian daude eta "bizipen latzak"izan dituzten familietatik datoz.
Artolabazalen arabera, ez dute baztertzen ustez prostituzioan aritu diren bost neska-mutiko horiez aparte gehiago egotea; alabaina, gai horren sumarioa sekretupean dagoela esan du, eta ez dituela "Ertzaintza egiten ari den lanaren nondik norakoak ezagutzen".
Zehaztu duenez, adingabe batek zentroko langile bat ekintzetan ustez nahasita egoteagatik "identifikatu" zuenean, berehala baztertu zuten lanetik; dena dela, ezin izan du azaldu monitore hori zenbateraino dagoen nahasita kasuan, ezta zein den bere prozesu-egoera ere.
Zentroko langileei emandako azalpenetan, adingabeek ez zuten pertsona zehatz bat identifikatzerik lortu; aitzitik, poliziak egindako ikerketek eta hartutako deklarazioek azalarazi dute prostituzio-sarearen existentzia.
Gizarte Zerbitzuetako arduradunaren aburuz, ikerketa eta epailea izango dira auzian nahasita dauden erruduntasuna edo errugabezia erabakiko dutenak, eta ukatu egin du delituak Aldundiaren ardurapean dauden pisuetan gertatu izana.
Babes-neurriak
Bestalde, Artolabazalek azaldu du Diputazioa adingabeen gurasoekin harremanetan jarri dela "lasaitzeko eta adingabeak babeste aldera hartutako neurriak zein izan diren jakinarazteko". Horrez gain, behin senideekin hitz egin ostean, "babes-neurriak" (psikoterapeutikoak, osasunezkoak eta hezkuntzazkoak) hartu dituzte gazteentzat.
Azkenik, Sansoheta zentroko langileen "profesionaltasuna" nabarmendu nahi izan du, "beraiei esker egoera hau antzemateko gai izan baikara".
Clara Campoamor elkartea
Ustezko prostituzio kasua baieztatzen bada, Clara Campoamor elkarteak iragarri du akusazio partikular gisa aurkeztuko dela auzian. Aldi berean, Diputazioak egoera hori nola sortu den argitu beharko lukeela uste du, eta "huts egin ote duten kontrol mekanismorik" egon bada hala "erantzukizunak argitu" beharko lituzkeela.
Save the children
Bere aldetik, Save the Children adingabeen babesa bermatzea eskatu du, eta "adingabeen prostituzioa haurrenganako biolentzia adierazpen larrienetakoa" dela eta ohartarazi du.
Albiste gehiago gizartea
Madril erdiguneko eraikin baten zati bat behera etorri da eta hainbat lagun daude agertu barik
Erreskate lanetan Madrilgo Udaleko suhiltzaileak, Polizia Nazionalaren eta Udaltzaingoaren txakurrak eta droneak ari dira lanean. Oraingoz, hiru langile artatu dituzte: bat, larr,i eta bi, arin. Ezbeharra 13:00etan gertatu da, eta alboko beste eraikin bat ere hustu behar izan dute.
Aldirietako tren-zerbitzuak izango duen izena aukeratu ahal izango dute herritarrek
Irekia webgunearen bitartez bozkatu ahal izango da, eta hiru aukera daude: Besaide, Lottu eta Lurbil.
Zortzi zauritu eta lau desagertu Madrilen, Opera inguruan, obretan ari zen eraikin baten zati bat erori da eta
Hileras kaleko eraikin bat behera etorri da, 13:00ak aldera. Lanean ari ziren zazpi langileetako hiru zauriturik atera dituzte, eta lau desagertuta daude.
Ramiro Gonzalez: "Bernedoko udalekuak, modu horretan, ez ziren egin behar"
"12 salaketa daude balizko delituengatik. Ez dut epaituko deliturik dagoen ala ez, baina salaketa asko dira", onartu du Arabako ahaldun nagusiak. Ramiro Gonzalezek adierazi du ez duela eztabaidetan sartu nahi erakundeek gai horretan dituzten eskumenak direla eta. "Erakunde guztiek koordinazioa hobetzeko behar adina lan egiteko unea da", gaineratu du.
Istripua izan da Sestaoko ACB altzairutegian, eta bi langile zauritu dira
Zauritutako langileak Gurutzetako Ospitalera eraman dituzte, erre egin direlako. Enpresak azaldu duenez, arku elektriko bat sortu da (deskarga elektrikoa), eta erredurak eragin dizkie bi langileei.
Kontseiluak milaka euskaltzale bildu nahi ditu abenduaren 27an Bilbon, "euskararen soinu banda" ardatz hartuta
Ekitaldirako sarrerak urriaren 16tik aurrera izango dira eskuragarri Pizkundea.eus webgunean, 10 euroren truke. Antolatzaileek adierazi dute "euskara lehen lerrora ekarri eta benetako jauzia eragiteko" garaia dela. Horregatik, euskarari "pizkunde" berria ematera gonbidatu ditu euskaltzale oro.
Ane, Laia eta June, eta Oihan, Martin eta Markel dira neska-mutil jaioberrien izen ohikoenak
Ane da, 1998tik, neska izena aukeratzeko orduan gurasoen kutunena Euskal Autonomia Erkidegoan, hirurteko datuak kontuan hartuta. Mutil izenen kasuan, Oihan izena laugarren tokitik lehenengora igaro da.
Leioako animalia-probak ez egitea eskatu dute
Leioa contra el Maltrato Animal taldeak salatu duenez, abuztuan herrian egindako asto probetan "irregulartasunak" izan ziren; besteak beste, "700 kiloko harria erabili zen, astoak jotzeko makilak erabili ziren, eta epaileek ez zuten esku hartu, animalien sufrimenduaren ageriko zantzuen aurrean".
"Palestinako okupazioaren amaierari buruz hitz egin beharko genuke, eta, zoritxarrez, ez da bake-plan horretan aipatzen"
Raquel Marti UNRWA erakundearen Espainiako zuzendaria kezkatuta azaldu da AEBk proposatutako bake-plana dela eta. "Negoziazioa baino, ultimatuma dirudi", deitoratu du EITBri egindako adierazpenetan.
Bilboko Metroa betiko moduan ari da gaur
Atzo bi gorabehera teknikok zerbitzua etetea eragin zuten arren, gaur normal antzean dabil Bilboko Mertroa. Zirkulazioa eten behar izan zen hainbat tartetan, eta atzerapen handiak eragin ziren.