Jaurlaritzak funtzionarioen arteko ezberdintasunak zuzendu nahi ditu
Euskal Administrazioan lan egiten duten funtzionarioen artean dauden desberdintasunak “zuzentzeko” neurriak hartuko dituela iragarri du Josu Erkoreka Eusko Jaurlaritzako Herri Administrazio eta Justiziako sailburuak.
“Gizonak, maskulinitateak eta boterea eragiteko forma berriak” izeneko jardunaldia irekitzeko ekitaldian Erkorekak adierazi duenez, “gure mezu eta jarrerekin” emakumeen eta gizonen artean dagoen botere desoreka “zein neurritan indartzen dugun pentsatu behar dugu". Ildo horretatik, Jaurlaritzak berdintasunarekin duen konpromisoa azpimarratu du.
Emakundek eta Gizonen Berdintasunerako 2016 Guneak Gasteizen antolatutako jardunaldian, gizonen eta emakumeen artean dauden desberdintasunak zuzendu behar direla azaldu du Erkorekak, baina ez du zehaztasunik eman.
Emakundek antolatu duen jardunaldian, euskal gizartearen hainbat alorretako jendea bildu da, batez ere gizonak, gizartea aldatu eta berdintasuna ekarriko duten estrategiak proposatzeko eta horiei buruz gogoeta egiteko.
Bestalde, gizonen inplikaziorik gabe ezingo dela berdintasuna lortu azaldu du Izaskun Landaida Emakundeko zuzendariak, eta Gizonduz ekimena nabarmendu du.
Ponentzia nagusiaren gidaria Gary Baker izan da, emakumeen eta gizonen arteko berdintasuna lortzeko gizonen parte-hartzea bultzatzen eta emakumeen kontrako indarkeria ezabatzen aditua. Promundo gobernuz kanpoko erakundearen fundatzaile eta zuzendaria da, eta, beste aditu batzuekin batera, MenCare programa sortu zuen, mundu mailan gizonen parte-hartzea eragiteko, indarkeriarik gabeko berdintasunezko mundua bultzatzeko asmoz.
Zure interesekoa izan daiteke
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.