'Black Friday' egunean eros ditzakezun 11 produktu desiratu
Hemen da deskontuen festa. 'Black Friday' edo Ostiral Beltza dugu ostirala. Beherapenen anabasan gal ez zaitezen, gehien saltzen eta bilatzen diren produktuak aukeratu ditugu. Baietz pagotxa topatu! (eskaintza onenak azpimarratuta topatuko dituzu).
INFORMATIKA
Xbox One S kontsola. Maukarik ez gailu honetan. Ostiral Beltzean eskaintza egingo zuela iragarri bazuen ere, Microsoftek ez du deskonturik egin bere kontsola berrian eta 299 euroan du. Duela hiru urte kaleratutako Xbox One izenekoaren ondorengoa da hau, 4K bideoa eskaintzen du eta eramangarriagoa da (originala baino % 45 txikiagoa da). Worten webgunean, Fifa2017 jokoarekin batera dator 500 GBko kontsola eta 279 euroko salneurria du (eskaintzarik onena). Amazonen eta MediaMarkten Battlefield 1 jokoarekin dute salgai, 290 euroan.
iPhone 7. Apple konpainiak kaleratutako produktuak gutizia bihurtzen dira. Sakelako telefono desiragarri horietako bat erosteko asmotan bazaude, Ostiral Beltza erabil dezakezu aitzakia moduan. Apple Store dendak eskaintzak iragarri ditu. Hala, iPhone6s eta iPhone6s Plus sakelakoak 769 eta 879 euroan ditu, eta 50 euro arteko deskontu-txartela du beste erosketa batean baliatzeko. Merkeago topatu ditugu gailuok Banana Computer webgunean: 709 eta 809 euroan, hain justu (eskaintza onena).
Azken iPhone nahi baduzu, Applen 128 GB-koak 879,00 euro balio du (beltzak). The Phone Housen % 6 merkeago duzu: 829 euro. K-Tuin dendak eskaintza hobetu eta 825 eurotan saltzen du (eskaintza onena).
Tableta baten bila bazabiltza, Samsung Galaxy Tab A izenekoa aukera ona izan daiteke eta Ostiral Beltzean erosita, pagotxa topatuko duzu. Izan ere, MediaMarkten 197 eurogatik eraman dezakezu etxera (eskaintza onena). Garestitxoago Amazonen (217 euro) eta The Phone Housen (249 euro).
ELEKTRONIKA
LG markako telebista. Etxeko telebista zaharra kendu, eta berria erosteko balia dezakezu azaroaren 25a. Dirutza ordaindu nahi ez duten eta erdi-mailako smart TB bat nahi duten horientzat, 49 hazbeteko eta LED teknologia duen LG bat (LG 49LH59V) dute PC Componentes saltokian 445 eurogatik (eskaintza onena). Garestiago dute Electrocoston eta Amazonen: 459 eta 463 euro, hurrenez hurren.
Canon EOS 1300D reflex kamera. Gehienok telefono mugikorrak bihurtu ditugu argazki-kamera, baina reflex gailuen munduan muturra sartu nahi dutenek 'Black Friday'a balia dezakete bat erosteko. Aukera ona da Canon EOS 1300D modeloa. WiFi konexioa du, eta FULL HD, bideoa. Carrefourren, 417 euroan duzu eskura (eskaintza onena) Amazonen % 18ko deskontua du: 425 euro. Worten webgunean apur bat gehiago ordainduko duzu (429 euro), baina zorroa eta 8 GB-ko SD txartela ere eramango dituzu etxera.
ARROPA ETA OSAGARRIAK
Ostiral Beltza ez da bakarrik teknologikoa. Arropa eta osagarri marka gehienek kontsumoaren festa honekin bat egingo dute azaroaren 25ean.
Hasteko, zapatila batzuk, eta ez nolanahikoak, 2016an munduan gehien saldu direnak (EBAYk egindako ikerketa baten arabera): Nike etxeko Roshe One modelokoak. Aldean eraman nahi badituzu, Nikek sarean duen saltokian (90 euro) eros ditzakezu. AEBko markak iragarri du Ostiral Beltzarekin bat egingo duela, baina ez ditu modelo honetako zapatilak merkatu. Dena dela, hori da topatu dugun preziorik onena. Izan ere, oraingoz behintzat, Amazon eta Asos webguneetan 90 eurotik gorako prezioan dituzte. Zalandon beste bi koloretan dituzte (urdinak eta guztiz beltzak), saltoki ofizialean baino apur bat merkeago.
Neguko hotzari aurre egiteko jaka baten bila bazabiltza, Forumen, % 20ra arteko merkealdia dute The North Face markako arropan.
Ostiral Beltza erlojua erosteko aprobetxatzen duenik ere bada. Amazonek hainbat eskaintza egin ditu azaroaren 25a baino lehen, eta egun horretan are gehiago merkatuko dutela iragarri du. Ebay saltokian ere badituzu pagotxak.
ETXEKO ELEKTROTRESNAK
Elektrotresna txikietan ere izango da beherapenik Ostiral Beltzean.
Kapsuladun kafe-makinak modan jarri dira. Bat erostekotan bazaude, azaroaren 25ean eskura dezakezu bat, ohi baino merkeago. Nespressoren Inissia modeloa (Krups), ezagunenetariko bat, 99 euroan duzu (16 kapsula barne) markaren webgunean, baina El Corte Ingles saltokian % 40ko merkeago dute, 59 euroan. Nolanahi ere, merkeen Amazonen topatu dugu: 51 euro (eskaintza onena).
Robotikan eta domotikan egindako aurrerapenen emaitza dira robot xurgatzaileak. 2002an merkaturatu zuten iRobot markako Roomba ezaguna. Halakorik ez baduzu, eta halako bat erosi nahi baduzu, Roomba 980 bat eskura dezakezu. Marka honetako azken modeloa da, APP bidez kontrola daiteke eta azken aurrerapenak ditu. MediaMarkt saltokian topatu dugu merkeen: 899 euro (eskaintza onena). El Corte Inglesen saltokietan, berriz, 200 euro garestiago ikusi dugu (1.099 euro). Amazonek, oraingoz, ez ditu eskaintzok hobetu, eta 1.199,99 euroan du.
Taurus MyCook sukaldeko robota. Jakiak prestatzen laguntzailea nahi izatekotan, robot bat izan dezakezu sukaldean. Baten apeta baduzu, Taurusen MyCook izenekoak sona handia du eta Ostiral Beltz honetan sekulako deskontua du. Amazon webgunean dute merkeen: 685 euro (eskaintza onena, % 43ko deskontua). MediaMarkten 888 euroko salneurria du. Gogoratu prezio ofiziala 1.190 euro dela.
Zure interesekoa izan daiteke
Kamerak ikasgeletan: sindikatuak kexu, hezkuntzak dio helburu pedagogikoa dutela
Sindikatuek salatu dute hezkuntza komunitateak ez dakiela kamerak zein helbururekin jarri dituzten. Gainera, irakasleen gaineko kontrola handitu eta ikasleen intimitatea urratzen duela horrek. Hezkuntza Sailak oharra bidali du ikastetxeetara azalduz helburua pedagogikoa dela, ikastetxe bakoitzak erabakitzen duela zenbat kamera eta non jarri, eta irakasle bakoitzak duela kamera piztu edo itzaltzeko aukera.
Santurtziko eraikin bateko garajeko sabaia hondoratu da eta bizilagunak etxe barruan harrapatuta geratu dira
Lokalaren jabeak horma bat bota zuen eta etxeetara asartzeko atariak dauden patioa hondoratzea eragin zuen. Orain, bizilagunak etxetik sartu eta atera ezin dabiltza. Behin-behineko hiru pasabide jarriko dira bizilagunek joan-etorriak egin ditzaten.
Neo, garbitzen, kafea egiten eta landareak ureztatzen dakien robota
AEBko 1X Technologies enpresak Neo aurkeztu du, etxeko lanak egiteko pentsatutako adimen artifizialeko robot humanoidea. 2026an jarriko dute salgai AEBn, 20.000 dolarreko prezioan.
Gidari bat atxilotu dute Tuteran, A68an kontrako noranzkoan 11 km gidatzeagatik
Alkoholaren eraginpean zegoen, eta gidabaimena indarrean izan gabe zirkulatzen ari zen.
Zallako bizilagunak kezkatuta eta haserretuta, trenbide-pasaguneengatik
Ostegun honetan, furgoneta bateko gidaria hil egin da trenarekin talka egin ostean, trenbide-pasagune baten parean. Auzokideek konponbideak eskatu dituzte, baina jakin badakite ez dela erraza izango. Izan ere, Zallak 30 trenbide-pasagune baino gehiago ditu, Renfeko C4 lineak herria zeharkatzen baitu.
Furgoneta baten gidaria hil da Zallan, tren batek ibilgailuaren kontra talka eginda
Istripua 15:00ak aldera gertatu da, eta, talkaren ondorioz, trena errailetik atera da.
Miren Arzalluz: "Museo honen dimentsio bikoitzak erakartzen nau: nazioartera begira, baina herrian errotuta dago”
Arantza Ruizek Guggenheim Bilbao Museoaren zuzendaria elkarrizketatuko du ETB2ko 12 minutos saioan. Museoaren norabideaz eta erronkez arituko da berarekin. Elkarrizketa osoa ostegun honetan izango da ikusgai, 21:35ean, "Teleberri" albistegia amaitutakoan, eta ondoren EITB Nahieran atarian.
Urriaren 15ean greba egin zutenek jaso ez duten soldataren zenbatekoa Gazan azpiegiturak eraikitzera bidera dezatela eskatu dute Nafarroako irakasleek
Hezkuntza kontseilariari eskatu diote lanuzteen ondorioz soldatan deskontatutako dirua UNRWAra bideratzeko, Palestinako hezkuntza-azpiegiturak berreraikitzeko.
Auto-ilarak A-8 errepidean Bilbon, Donostiarako noranzkoan, hainbat autok istripua izan dute eta
Istripua Zorrotzako bihurguneetan gertatu da 3 autoren artean eta gutxienez 2 pertsona zauritu dira. Auto-ilarak 4 kilometrokoak dira.
Lanean ari zen ertzain batek positibo eman du droga proban, Ertzaintzaren autoarekin beste ibilgailu baten aurka talka egin ostean
Autoaren barruan, hanka igeltsatsuta zuen gizon bat (gidaria), haur bat eta emakume bat zeuden. Lehenengo biak Gurutzetako eta Basurtuko ospitaleetara eraman dituzte, zaurituta. Ertzaintzak kautelazko neurriak hartu ditu, eta agente horrek bulegoan egingo du lan kontranalisiaren emaitza jaso eta gertatutakoa argitu arte.