Iruzurrezkotzat jo dute Osakidetzaren behin-behineko kontratazioa
EAEko Justizia Auzitegi Nagusiak bertan behera utzi du Osakidetzaren behin-behineko kontratazioa, kontratazio-mota horrekin “iruzur egitea” leporatuta. Izan ere, bi urte eta erdiko epean hamahiru lan-kontratu sinatu zituzten langile batekin. Behin-behineko lan-kontratu horrekin gehiegizko erabilera egin duela dio epaiak.
ELA sindikatuak jakinarazi duenez, EAEko Auzitegi Nagusiak Europako Batasuneko Justizia Auzitegiaren epaia berretsi du. Epai horren bidez, iruzurrezkotzat jo zen Osakidetzaren behin-behineko kontratazioa, eta kontratazio-mota horri mugak jarri zitzaizkion.
Gauzak horrela, sindikatuak Osakidetzaren kontra jarritako demanda irabazi du. Bi urte eta erdiko epean hamahiru luzapen egin ostean, ELAk behin-behineko kontratazio-mota horren amaiera exijitu zuen.
EAEko Justizia Auzitegi Nagusiak eman duen epaian irakurri daitekeenez, langile funtzionario eta estatutarioen kontratuak iruzurrik gabe bukatutzat ematean langileek kalte-ordaina jasotzeko eskubidea dute.
Hala, jurisprudentziak behin-behineko kontratazio-mota baliogabe utzi du, mota horretako lan-hitzarmenak mugagabeko kontratuak baitira.
Arrazoi horregatik, salaketa jarritako langilearen lanpostua beste pertsona batek bete arte langile horrek Osakidetzarekin sinatutako lan-akordioa indarrean jarraituko duela esan du EAEko Justizia Auzitegi Nagusiak.
Era berean, Osakidetzak kontratua bukatutzat emango balu, demandatzaileak Europako Batasuneko Justizia Auzitegiak ezarritako kalte-ordaina jaso beharko lukeela zehazten du epaiak.
ELA sindikatuak azaldu duenez, lan egindako urte bakoitzeko 20 eguneko kalte-ordaina izateko eskubidea izango lukeela. Gauzak horrela, behin-behineko langile estatutario eta funtzionarioek bere kontratuak bukatzean kalte-ordaina izateko eskubidea izango dute, ez soilik laboralek.
Sindikatuaren arabera, epaia “iraultzailea” izan da osasun-zerbitzuen eta, orokorrean, administrazio orokorraren aldi baterako kontratazioari dagokionez. “Esparru horietan ohikoa da behin-behineko kontratazioa behin-behineko arrazoiengatik, baina benetako arrazoiak ez dira behin-behinekoak, ohikoak eta iraunkorrak baizik”, esan du ELAk.
Zure interesekoa izan daiteke
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko M21 Asanbladak deitutako manifestazioarekin. "Faxismoaren gorakada" salatu, eta "talde neonazi eta supremazisten" jarduera eta diskurtsoen "zigorgabetasunaz" ohartarazi dute. 12:00ak jota zirenean hasi da martxa, Mariaren Bihotza plazan, eta San Frantzisko kalea Zabalbururaino zeharkatu eta gero, Bilboko udaletxearen aurrean amaitu da, manifestu bat irakurrita.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.