GuraSOSek hondakinak kudeatzeko akordioa aldarrikatu du
GuraSOS erraustegiaren aurkako gurasoen elkarteak hondakinak kudeatzeko akordioa aldarrikatu du larunbat arratsaldean Donostiako Gipuzkoa Plazan egindako ekitaldian. Batetik, arduradunen arabera, Gipuzkoako Foru Aldundiari haiekin bildu ez izana leporatzeko bildu dira; bestetik, azaroan aurkeztutako ibilbide-orria gizarteratzeko kanpaina arrakasta handia izaten ari dela azpimarratu dute. Era berean, elkarrizketa-bidea abiatuz gero, epaitegietan hasitako prozedura bertan behera utziko dutela esan dute.
Horrez gain, "Gipuzkoako Foru Aldundiari gogorarazi nahi diogu herritarrei entzun behar diela. Ikus gaitzaten etorri gara hona, baita gure kezkak eta eskariak kontuan har ditzaten".
GuraSOSek Gipuzkoako hondakinen kudeaketari irtenbidea emateko ibilbide-orria aurkeztu zuen joan den azaroaren 17an. Eragile sozial eta politikoez gain, hiritarren parte hartzea aurreikusi zuten proposamen horretan. Hala, hainbat bilera antolatu dituzte abenduaren amaierara arte, ibilbide-orria garatzeko babesa lortzeko xedez.
Dagoeneko bildu dira edo batzarrak hitzartu dituzte honako eragile hauekin: EAJ, EH Bildu, Podemos, CCOO eta STEILAS. Halaber, PSE-EE, PP, ELA eta LABekin hitz egiteko asmoa dute, baita Eusko Jaurlaritzako Hezkuntza Saileko ordezkariekin ere. Bestalde, herrietan ere lanean ari da plataforma, eta babesa biltzen ari da hainbat hezkuntza-erakundetan eta beste zenbait elkartetan. GuraSOS uztailaren 6ean eta abenduaren 2an saiatu da Gipuzkoako Foru Aldundiarekin hitz egiten, baina ez dute hitzordurik izan.
Datorren abenduaren 27an Gipuzkoako Hondakinen Partzuergoak batzarra egingo du erraustegiaren kontratua lizitatzeko: "Gure seme-alabekin dugun ardura kontuan izanik, lizitazioa bertan behera uztea eskatu diegu epaitegiei". Abenduaren 27a baino lehen elkarrizketa abiatuz gero, "epaitegietako prozedura baztertuko dugu, akordioaren bidea lehenesten dugulako", esan dute.
Albiste gehiago gizartea
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.
Mozkortzearen ondorioak simulatzen dituen alkoholik gabeko lehen garagardoa sortu dute
Erresuma Batuko laborategi batek mozkorturik egotearen efektua lortzen duen alkoholik gabeko lehen garagardoa egin du: Sentia Spirits. Ondoezak ez du luze irauten, edan eta hogei minutu edo ordu erdira desagertzen baita horren eragina, eta ez du biharamunik uzten.
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.