Emakumeak prostituitzera behartzen zituen sare bat desegin dute Bilbon
Espainiako Polizia Nazionalak Bilboko eta Benidormeko (Alacant) klubetan emakumeak prostituzioan aritzera behartzen zituen sare bat desegin du, operazio batean. Bilbon sei pertsona atxilotu dituzte, eta Alacanten hiru; horietatik sei kartzelatu dituzte.
Gainera, guztira zazpi emakume askatu dituzte, operazio koordinatu batean, eta Administrazio Publikoen esku utzi dituzte. Zazpi biktima horietatik bat Bilbon zegoen eta gainerakoak Alacanteko herrian, baina guztiak pasatu diren Bizkaiko hiriburutik.
Polizia Nazionalak azaldu duenez, taldearen arduradunak nigeriar jatorriko hiru emakume ziren. Biktimak, herrialde beretik engainatuta ekarritako emakume gazteak, gatibu hartzen zituzten eta 14 orduko jardunaldietan prostituzioan aritzera behartzen zituzten, egunero.
Bilbon, kale prostituzioa nabaria den eremuetan sexu esplotazioaren aurka egindako operazio batek jarri zituen poliziak arrastoan, biktimetako batek bere egoeraren berri eman baitzien.
Lan eskaintza faltsuak
Taldeak Nigerian miseria gorian bizi ziren emakumezko oso gazteak erakartzen zituen, Europan ondo ordaindutako lan duina emango ziela esanez. Eskaintzak onartutakoan, gainera, erritu buduistak egiten zizkieten biktimei eta elkartearekiko fideltasuna eskatzen zieten nolabaiteko kontratu baten bidez. Hitzarmen hori bete ezean, gainera, ondorio ikaragarriak pairatu behar izango zituztela esaten zieten mehatxatzeko, eurak edota euren senideak hilko zituztela sinetsarazten zieten.
Gero, taldeak Libiara eramaten zituen biktimak, eta, handik, Italiara, beraiengan inolako arretarik jarri gabe, batere segurtasunik gabeko itsasontzietan sartuta. Hain zuzen ere, Poliziak kontatu duenez, erreskate ontzi batek talde honen biktimetako bi Mediterraneo itsasoaren uretatik jaso zuen frogak dituzte. Hainbat pertsona garraiatzen ari zen ontzi bat hondoratu zen batean jazo zen hori, eta hainbat pertsona hil ziren.
Bilbon, asiloa eskatzera behartzen zituzten, Poliziak identifikatuz gero Estatutik kanpora ezin zitzaten. Orduan, gaizkile taldearekin zor handia (40.000 eta 45.000 euro artekoa) zutela eta, kitatzeko, prostituzioan aritu beharko zirela esaten zieten.
Horrela, asilo eskaera eginda zeukatela, biktimak Benidormera eramaten zituzten, bertan beste hainbat etxe baitzituen sareak, eta prostituzioan jardutera behartzen zituzten.
Albiste gehiago gizartea
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.