Mendizabalek beste adingabe bati abusurik egin dion ikertzen ari dira
Juan Kruz Mendizabal 'Kakux' Gipuzkoako bikario izandakoak hirugarren adingabe bati sexu abusuak egin ote dizkion argitzeko ikerketa abiatu du Adingabeen Fiskaltzak, auziaren gertuko iturriek Europa Press albiste agentziari jakinarazi diotenez.
Elizak zigorra ezarri dio Mendizabali, 2001-2005 urteen artean bi umeri sexu gehiegikeriak egiteagatik. Bi biktimek bide kanonikoa jarraitu zuten apaizaren kontrako salaketa egiteko, eta Elizak ikerketa egin ostean eta Mendizabalek abusuak aitortu ostean, hura zigortzea erabaki zuen.
Bi gazteek komunikabideei igorritako agirian esan dutenez, hirugarren kasu bat ere egon daiteke. Hala, hiru kasuak ikertzeko eginbideak abiatu ditu Fiskaltzak, Mendizabalen kontrako auzia zabaltzeko oinarririk ote dagoen zehazteko.
Apezpikutzak ez du beste salaketarik jaso
Gipuzkoako Apezpikutzak EFE albistea agentziari gaur adierazi dionez, ordea, eurek ez dute beste salaketarik jaso, eta, beraz, ez dute ikerketa berririk abiatu.
Donostiako Prelaturako iturrien arabera, zurrumurruak badaude hirugarren biktima baten inguruan, baina oraingoz, beste inork ez du salaketarik aurkeztu.
Jose Ignacio Munilla Donostiako gotzainak agerraldia iragarri du arratsalderako (17:00) auziaren inguruan hitz egiteko.
Albiste gehiago gizartea
Elkarretaratzea egin dute Hernanin, jaietan izandako eraso arrazisten aurka protesta egiteko
Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.
Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute
Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.
Ehgam-ek transfobian jarri du arreta aurten bere sariak banatzeko ekitaldian
Ehgam Euskal Herriko Sexu Askapenerako Mugimenduak Loratuz Lotu, Lumagorri, Anitzak eta SuminTrans kolektiboei eman die Urrezko Hirukia saria, Gurutzetako Ospitalearen Genero Identitatearen Unitateak pertsona transak artatzeko erabiltzen duen modua salatzen egindako lanagatik. Bestetik, feminista "transbaztertzaileek" Bilbon egin zituzten jardunaldiei eman diete Larruzko Espartina "antisaria", haur eta nerabe transak jomugan jartzeagatik.
Metro Bilbaok uztailaren 1ean jarriko du martxan udako ordutegia, maiztasunak egokituta
Ostiral eta larunbat gauetako zirkulazioa zerbitzu bereziekin osatuko dute, horren ibilbidean dauden udalerrietako jaiez eta kultura-ekitaldiez gozatu ostean etxera itzuli ahal izateko.
Motor-gidari bat hil da trafiko-istripuan Errezilen
Ezbeharra 17:45 inguruan gertatu da, Errezilen, GI-2634 errepidetik zihoan motozikleta bat bidetik atera denean. Gidaria, gizonezkoa, istripua izan den tokian bertan hil da.
"Profil etnikoaren araberako kontrolak egiteari" uztea eskatu diete Ertzaintzari eta udaltzaingoei
SOS Arrazakeriak gogorarazi du Giza Eskubideen Europako Auzitegiak Frantzia zigortu berri duela "kontrol arrazistak egiteagatik".
46 urteko barañaindar bat hil da Puiun, auto batek eta kamioi batek aurrez aurre talka eginda
58 urteko kamioilaria, berriz, onik atera da. Kamioia errepidetik atera eta irauli egin da.
Erripa, Nafarroa, Adiskidetasun, Villarias eta Askao kaleetako trafikoa moztu eta aparkelakuak okupatuko dituzte Erripa kalean larunbat honetan
BBK Fundazioaren X. urteurrenaren harira itsasadarrean programatutako BBK Ria jaialdia dela-eta egingo dituzte kale-mozketak. Seinalistak egongo dira eragindako eremuetako garajeetako sartu-irtenak bideratzeko. Bilbobuseko zerbitzuan ere egongo dira aldaketak, eta horren inguruko informazioa izango da Bilbobusen aplikazioan eta markesinetan.
Irainik edo gatazkarik gabeko sanferminen aldeko konpromisoa agertu du Iruñeko Udalak
Udalak 'Sanferminetako Dekalogoa' argitaratu du, jaiak arduraz eta errespetuz gozatzeko aholkuak biltzen dituena. Gainera, dagoeneko prest dago 2.700 agentek baino gehiagok osatuko duten segurtasun dispositiboa, jaiak "soilik dibertigarriak izan daitezen".
Euskadiko 57.000 adingabek baino gehiagok ezin dute etxea hoztu bero-bolada batean
EAEko adingabeen % 16,5 tenperatura altuei aurre egin ezin dieten etxeetan bizi dira. Egoera horrek, gainera, familien % 18ri ere eragiten die.