Epaileak esplotazio sexuala leporatu die Nadiaren gurasoei
Nadia Nerearentzat sendabideak aurkitzeko asmoz bildutako dohaintzetan ustez iruzur egitea ikertzen dabilen epaileak delitu berriak leporatu dizkie Nadiaren gurasoei (Fernando Blanco eta Margarita Garau). Esquadra Mossoek atzeman dituzten argazki sexualak aztertu ostean, esplotazio sexualarekin lotutako delituak leporatu dizkie, zehazki, exhibizionismoa eta probokazio sexualarekin lotutakoak.
Kasua ikertzen ari den La Seu d'Urgelleko (Lleida) epaileak kautelazko neurri guztiak indarrean mantentzea erabaki du ostiral honetan. Hala, Fernando Blanco espetxean jarraituko du, eta Margarita Garauri behin-behineko askatasuna eman dio. Nadia Nerearen amak soilik asteburuetan izango du bere alaba bisitatzeko aukera. 11 urteko neskatoaren izekoak du zaintzaren ardura.
Epaileak bitan banatu du ikerketa. Alde batetik, dohaintzekin egindako ustezko iruzurra ikertuko du, eta bestetik, neskatoaren argazki sexualak. Esquadra Mossoek Nadia Nerearen argazki sexualak aurkitu dituzte Fernando Blancoren ordenagailu pertsonalean, baita hamahiru Pen drive, zazpi memoria-txartel eta hiru disko gogorretan ere.
Alberto Martin abokatuaren arabera, akusatuek ziurtatu dute inoiz ez dutela Nadiaren aurkako egintzarik egin, eta sexu-harremanak izan dituztenean alaba ez dela inoiz aurrean egon esan diote epaileari.
Hala, Esquadra Mossoek atzeman dituen argazki horiek guztiz pertsonalak direla eta familiaren testuinguruan ulertu behar direla esan du Martin abokatuak. Gainera, Nadia Nerea biluzik agertzen den argazkien kasuan, bere gaixotasunari buruzko jarraipena egiteko asmoz egin zituztela ziurtatu du.
Ildo horretatik, Nadia Nerearen gurasoak defendatzen jarraituko duela esan du Alberto Martin abokatuak, baina defentsaren estrategia hobetzeko bien defentsak banatzea aztertzen ari direla azaldu du (aitaren argudioek amaren defentsari kalterik ez egiteko eta alabarekin lehenbailehen bildu ahal izateko).
Zure interesekoa izan daiteke
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.