Euriteen ostetik, hotz-bolada
Txarrena, euriteei dagokienez behintzat, igaro da jada. Bustitik joan da arratsaldea, baina ez du goizean bezainbeste bota. Hala, ibaien emariak behera egingo du datozen orduotan.
Euskalmeten iragarpenaren arabera, egun amaierara arte metro koadroko 20-30 litro pila daitezke isurialde atlantikoan. Oria, Urumea eta Urolako arroetan, ibaietako mailak balio altuetan egongo dira, baina behera egiten hasi dira arratsaldean.
Euriteen ondotik, hotz-bolada izango da gurean. Hori dela eta, Jaurlaritzak abisu horia ezarri du muturreko tenperatura baxuengatik eta izotzagatik, asteartean eta asteazkenean. Tenperatura minimoak eta maximoak 0 eta 5 ºC ingurukoak izango dira kostaldean; -1 eta 4 ºC-koak, isurialde atlantikoan, barnealdean; -3 eta 1 ºC-koak, iragaite zonan; eta -2 eta 2 ºC-koak, Ebro inguruko lurretan. Asteazkenean are gehiago jaitsiko da termometroa, eta -5 º C ingurukoak izan daitezke baxuenak.
Hainbat ibai atera dira Gipuzkoan
Azken egunotako euriteen ondorioz, uholdeak, putzuak eta luiziak izan dira nonahi. Izan ere, Euskal Autonomia Erkidegoa (EAE) eta Nafarroa alerta laranjan daude.
Bergaran, sei ataritako 21 familia ebakuatu behar izan dituzte, euriteek eragindako lur-jausi baten ondorioz.
Lur-jausia 17:00etan jazo da, Bolu kalean, eta orain teknikariek aztertu egin beharko dituzte eraikinak, kalteak norainokoak diren egiaztatzeko eta auzokideak etxera itzuli daitezkeen baieztatzeko.
Ibaiei dagokienez, kezka iturri dira Urumea eta Oria Gipuzkoan, eta Arga, Nafarroan. Lehenak gainezka egin du Hernanin (errugbi zelaiaren parean), eta maila laranjara heldu da Ereñozu (Hernani) eta Añarbeko estazioetan. Donostiako Martutene auzoan ere, alerta ezarri dute, ubidetik atera daitekeelakoan.
Oriak gainezka egin du Andoainen, eta maila horira heldu da Lasarte-Oria, Alegia eta Andoaingo estazioetan. Tolosan, ur ugari pilatu da Usabal industrialdean, Araxes ibaiak gainezka egin baitu.
Araban, Baia ibaiaren arroak maila horia harrapatu du Sarrian, eta Zadorrak maila bera du Ozaetan. Bizkaian ez dago aparteko arazorik.
Euskalmetek jasotako erregistroen arabera, Gipuzkoan batu dute ur gehien. Bidanian (Gipuzkoa), esaterako, metro koadroko 106 litro pilatu dira. Ameraunen 97 litro zenbatu dituzte; Añarben, 90; eta Berastegin, 86 litro metro koadroko.
Arga ibaia, gainezka
Arga ibaia bere ubidetik atera da Iruñeko eta Burlatako hainbat tokitan. Ibaia alerta egoeran dago Arakil, Etxarren, Etxauri eta Irurtzun parean.
Hain justu, Iruñeko Udalak Larrialdiko 1. maila ezarri du Nafarroako hiriburuan, Arga ibaiaren emaria segundoko 350 metro kubikotik gorakoa baita. Hasiera batean Udalak alerta maila hori ezartzeko asmorik ez bazuen ere, azken orduotan egindako euriak Udalaren aurreikuspenak aldarazi ditu.
Ibaia bere bidetik atera da Magdalena inguruan, Aranzadin, Trinitarios parkean eta San Pedro-Vergel eta Curtidores zubien inguruetan.
Alerta maila gorenera igotzeak berekin dakartza hainbat neurri zehatz hartzea; hala nola, kartel informatiboak jartzea, megafonia eta ibai ondoko bizilagunei tinbrea jotzea.
Bestalde, ubidearen inguruan dauden errepide eta oinezkoentzako pasabideak itxi ditu Udaltzaingoak, batez ere Magdalena eta Aranzadi ingurukoak. Halaber, Magdalena inguruko bideak atzotik autoentzat itxita daude, Arga ibaiak gainezka egingo zuela-eta.
Ibilgailuei argiak piztuta joateko gomendatu diete. Oinezkoei, berriz, ibaiaren ertzetik ez ibiltzeko.
Goizean, argindar etena izan dute Iruñeko erdialdean. Ondorioz, herriko argiak eta semaforoak ez dira ibili.
Gainerakoan, ipar-ekialdeko ibaietan dago arazoa. Arakil ibaiak gainezka egin du Uharte Arakilen, eta Baztan ere, ubidetik atera da Elizondon eta Elbeten. Ultzama ibaiak gainezka egin du Atarrabian.
Baztan ibaiak gainezka egin du Elizondon. Argazkia: Euskadi Irratia
Ipar Euskal Herrian, berriz, Urdazuri eta Errobi alerta horian daude, eta Aturri ibaia, aldiz, maila berdean, baina ibaiek ez dute gainezka egin.
Luiziak eta putzuak
Errepideetan ere, traba ugari eragin ditu euriak. Hala, Segurtasun Sailak arretaz gidatzeko eta aurreko ibilgailuarekin distantzia handitzeko gomendioa eman du.
Gipuzkoan, N-634 errepidea itxita egon da 05:00etatik aurrera Getaria parean, luizi bat dela eta. 10:00etan zabaldu dute berriro.
Araban, A-4356 errepidea itxi behar izan dute, Kuartangon, Andagoia parean, ibaiak gainezka egin duelako.
Zure interesekoa izan daiteke
Ipar Euskal Herriko laborariek altxa dute A-64 errepideko blokeoa
Dermatosi nodularraren inguruan aurrerapausoak lortu dituztelako erabaki dute erretiratzea. Hala ere, zikinkeria ugari gelditu da errepidean eta egunak beharko dituzte erabat garbitu eta libre uzteko.
Euskalgintzaren Kontseiluak azken deia egin du larunbateko Bilboko ekitaldira mobilizatzeko
Gizarte-erakundeen bilguneak zabaldutako prentsa-oharraren arabera, Bilbao Arenako hitzorduak euskararen "pizkunde" berri baterako “txinparta” izan nahi du
800 produktu faltsutu baino gehiago atzeman dituzte Bizkaian
Guardia Zibilak faltsututako 800 produktu baino gehiago atzeman ditu Bizkaian, 35.000 euroko balioarekin. Miaketak Getxon (bi) eta Muxikan egin dira. Oraingoz, bi pertsona dira ikerketapean ustezko errudun gisa.
Fiskaltzak 34 urteko zigorra eskatu du Pasaian bikotekide ohia tiroz hiltzea egotzi dioten gizonarentzat
Hilketa matxista 2024ko azaroaren 30ean gertatu zen eta gizonezkoa behin-behineko espetxealdian dago. 2026an zinpeko epaimahai batek epaituko du.
Albistea izango dira: Hotza eta elurra protagonista, animaliarik ez azoketan eta arrain freskorik gabeko egunak Bizkaian
Gaurkoan Orain-en albiste izango direnen laburpena, bi hitzetan.
Lehorreratzeak euskal kostaldean: hondartzetan harrapatuta gelditzen diren itsas animaliak
Baleak, izurdeak, fokak... Tarteka itsasoko animaliaren bat gure hondartzetan gelditzen da harrapatuta. Sareus elkartea arduratzen da kasu horiek kudeatzeaz: erantzunak koordinatzeaz, informazio zientifikoa lortzeaz eta, animalia hil bada, nekropsiak egiteaz. Denis Benito elkarteko kideak fenomeno horien aurrean nola jokatzen duten azaldu digu.
Baiona eta Frantziako Tolosa lotzen dituen A-64 autobidea partzialki ireki dute
Biarnoko zatia da zabaldu dutena. Hala ere, laborariek oraindik blokeatuta daukate Ipar Euskal Herriko zatia dermatosi nodularraren neurriak salatzeko protesta gisa.
Fitnessaren arrakasta: gimnasioak zabalik, baita Eguberri egunean ere
Hutsik egin gabe, egunero kirola egiteko ohitura daukatenek ez dute barkatzen, ezta Eguberri egunean ere. Hori dela eta, gero eta gimnasio gehiagok zabaltzen dituzte ateak horrelako egun berezietan. Ariketa saio bat eginda, lasaiago eta gose handiagoz jartzen omen da bat mahaian.
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.