Kalamu elkarteen arautzea bertan behera utzi du Konstituzionalak
Auzitegi Konstituzionalak tramitera onartu du Adikzioen euskal Legearen 83. artikuluaren kontra Espainiako Gobernuak jarritako helegitea, eta, horrenbestez, artikulu hori ?kalamu elkarteen arautzeari dagokiona? behin-behinean utzi du bertan behera.
Espainiako Gobernuak Auzitegira jo zuen, arautzeak Estatuko eskuduntzak urratzen dituelakoan. Rajoyren Gobernua eta Jaurlaritza hainbat errekurtsoren harira negoziatzen ibili ziren, eta Udal Legearen kontra iragarritakoa behintzat ez aurkeztea adostu zuten. Adikzioen Legearen artikulu honi dagokionean, ordea, ez zen akordiorik lortu, eta helegitea aurkeztu zuen azkenean Espainiako Gobernuak.
Gobernu zentralaren iritzian, kalamu elkarteen jarduna arautzean, Estatuko botiken inguruan duen legea urratu du Jaurlaritzak, baita zigor arloko eta segurtasun publikoko arauak ere.
Helegitea tramitera onartzekotan, araudia behin-behinean bertan behera uztea eskatu zuen Espainiako Gobernuak.
Behin-behinean bertan behera utzitako artikuluak "kalamua kontsumitzen duten pertsonen erakundeak" sortzea ahalbidetzen du. Aipaturiko klubetan kalamua kontsumitzea posible izango da eta helduek sartu ahal izango dute baldin eta baldintza batzuk betetzen badituzte. Gainera, elkarte horiek kalamuaren eta beste substantzia batzuen kontsumo arduratsua bultzatuko dute.
Hala ere, Konstituzionalaren erabakiak ez die Adikzioen euskal Legearen gainerako artikuluei eragiten. Lege horren arabera, futbol zelaietan eta frontoietan eta tabakoa erretzea eta edari alkoholdunak saltzea baimenduta dago. Bestalde, tabakoa erretzea debekatuta dagoen tokietan zigarro elektronikoa kontsumitzea debekatzen du aipaturiko legeak.
Zure interesekoa izan daiteke
ELAk berretsi du CCOOko kide batzuek euskaldunen kontrako hitzkuntza eskubideen aurkako kanpaina abiatu duela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.