Usurbilen istripua eragin duen autoko gidaria atxilotu egin dute
Bi pertsona (23 urteko Bilboko gizon bat eta emakume bat) hil eta beste zortzi zauritu dira gaur AP-8 autobidean, Usurbil parean, izan den trafiko-istripuan.
06:20 inguruan gertatu da ezbeharra, Aritzetako zerbitzugunea baino metro batzuk lehenago. Irungo noranzkoan zihoan anbulantzia batek eta kontrako noranzkoan 7 kilometro egin dituen Opel Astra auto batek aurrez aurre egin dute talka. Eusko Jaurlaritzaren Trafiko Zuzendaritzak aditzera eman duenez, autoan sei pertsona zihoazen. Horietatik bi hil egin dira eta beste lau zaurituak Donostia Ospitalera eraman dituzte.
Gainera, autoaren gidaria, 28 urteko Bilboko gizonezko bat, atxilotu egin dute ospitalean, errepide-segurtasunaren aurkako delituta egotzita. Alkohol eta droga kontrolaren emaitza negatiboa izan da.
Anbulantziako gidariari eta hiru bidaiariri alta eman diete. Hildako bi gizon-emakumeen gorpuak auzitegiko patologia-zerbitzura eraman dituzte.
Kasurik ez abisuei
Istripua jazo baino minutu batzuk lehenago, errepideak zaintzeko Gipuzkoako Aldundiko langileek autoa noranzko norabidean zihoala ikusi dute, eta gidariari seinaleak egin dizkioten arren, ez ditu kontuan hartu.
Foru Aldundiak Arizmendi eta Aritzetako tuneletan duen abisu-sistemaren bidez ere atzeman dute ibilgailua, eta Ertzaintzari igorri diote oharra berehala.
Trafikoan eragina
Ezkerreko eta erdialdeko erreiak itxi egin dituzte Irunerako norazkoan 10:45 arte, zaurituak artatu, ibilgailuak errepidetik kendu eta bidea garbitu duten bitartean.
Ertzaintza zer gertatu den ikertzen ari da, istripuaren nondik norakoak argitzeko.
Albiste gehiago gizartea
Milaka pertsona atera dira gaur kalera Hego Euskal Herrian, Palestinaren alde
Gasteizen, Bilbon eta Iruñean arratsaldeko zazpietan abiatu dira Palestinaren aldeko Borroka Eguna dela eta antolatutako mobilizazioak. Deialdia Gazarako Mugimendu Globalak eta Global Sumud Flotillak egindako nazioarteko ekimenari erantzunez gauzatu da, “Apur dezagun Gazako blokeoa. Defenda dezagun Global Sumud Flotilla” lelopean. Goizean ere, protesta egin dute Gasteizen, Legebiltzarraren kanpoaldean.
Komunitate palestinarrak genozidioaren aurkako manifestazioa deitu du asteazkenerako Zinemaldian
Palestina-Euskal Herria Elkartasun Batzordeak “The Voice of Hind Rajab” filmaren proiekzioa baliatuko du Israelen erasoa eta horren inguruko isiltasun “konplizea” salatzeko Donostiako kaleetan.
Donostiako masajistak ukatu egin ditu sexu-erasoen akusazioak
Fiskaltzak eta akusazio partikularrek 45 urteko kartzela-zigorra eskatu dute akusatuarentzat.
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".