60 lagun atera dituzte bi ataritatik Sestaon, sute baten ondorioz
Bi ataritako 60 bizilagun hustu behar izan dituzte gaur goizean Sestaon sute baten ondorioz. Jose Antonio Agirre kale nagusiko etxebizitza batean sua piztu da, 10:00ak inguruan, eta, badaezpada, bi atari hustu egin dute. 60 bizilagun horiek adinekoen udal egoitzara eraman dituzte, Sestaoko Udalak jakitera eman duenez.
Larrialdietarako zerbitzuak eta suhiltzaileak bertaratu dira, eta 13:30ean sutea kontrolpean hartu dute, hasi eta hiru ordu eta erdi geroago, baina oraindik ez dute itzali. Izan ere, 20:00etan suhiltzaile-talde bat oraindik dabil bertan lanean.
Ez da zauriturik izan bizilagunen artean, baina bai, ordea, suhiltzaileen artean; izan ere, bi suhiltzailek erredurak jasan dituzte eskuetan sutea itzaltzen ari zirela, baina euren egoera ez da larria izan.
32 auzokidek ezin izango dute gaur euren etxeetara itzuli, hori dela eta, udal pilotalekuan igaroko dute gaua. Horretarako, Bizkaiko Gurutze Gorriak janaria, oheak eta estaltzeko arropak prestatu dizkie.
Bestalde, Ertzaintzak ikerketa abiatu du sutearen jatorria argitzeko. Bien bitartean, Sestaoko Kale Nagusiak hesiz inguratuta jarraitzen du sutea jazo den lekuaren parean eta eraikinaren atzealdean ere. Izan ere, litekeena da hondakinak askatzea eta kalera erortzea, eraikinak kalte handiak jasan baititu.
Bizkaiko lau suhiltzaile-parketako (Urioste, Artaza, Derio eta Basauri) langileek jardun dute itzaltze-lanetan, eta, guztira, 30 suhiltzaile eta 11 ibilgailu bertaratu dira.
Sutearen irudia. Argazkiak: Ruben Saez @rubentxo
Ohar baten bidez, Sestaoko Udalak adierazi du ''familiak artatzen eta egoera pertsonala aztertzen'' ari direla, ''irtenbide bat emateko''.
Beste bi sute
Goizean zehar beste bi sute jazo dira: bata, Pasaian, non hiru atari hustu behar izan dituzten; bestea, Lekeition. Azken horretan etxebizitza bateko sukaldean piztu da, baina ez da zauriturik izan eta bertaratu diren suhiltzaileek arazo gabe itzali dute.
Zure interesekoa izan daiteke
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" entzun behar izan zituzten gizonaren ahotik, eta epaiketan entzundakoaren aurka, ziurtartatu duenez, "gizona bera zen gerturatzen zitzaiena eta lekuz kanpoko iruzkinak egiten zizkiena". Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarri" eta "lotsagabe" bat zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren edo oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, inpaktuaren jatorria egiaztatu ez duelako
Donostiako epaileak itxi egin du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Futbol arbitro neska batek salatu du irainak eta mehatxuak bota zizkiotela partida batean, Basaurin
Bizkaiko Futbol Federakundeko lehiaketa batzordea gaur elkartzekoa da gertatutakoa aztertzeko eta balizko neurriak aztertzeko. Basauriko futbol taldeko jokalariak, teknikariak eta zaleak barne, irainka hasi zitzaizkion, talde bisitariak berdinketa (3-3) lortu eta gero.
BI-30 errepidean izandako istripu batek auto-ilarak eragin ditu Txorierrin eta Arrontegin
Ezbeharra goizean goiz gertatu da Erandion, eta errei bat itxi behar izan dute Galdakaorako noranzkoan. Ilara luzeak sortu dira.
EHUk unibertsitate-komunitatean errespetua eta bizikidetza indartzeko protokolo bat bultzatuko du
Ekimenak bitartekotza, partaidetza eta sentsibilizazio-neurriak izango ditu, eta komunitate osoaren ekarpenak jasotzeko plataforma digital bat izango du oinarri.
Albiste izango dira: Korrika zuzenean, krisi energetikoa eta Berdintasunerako Emakunde Saria
Orain-ek gaur landuko dituen albiste nagusien laburpena.