Hazte Oir plataformaren autobusa ez da Gasteizera joan
Dozenaka pertsona Gasteizen, Eusko Legebiltzarraren aurrean, bildu dira goizean Hazte Oir plataformaren autobus transfobikoak Arabako hiriburura etortzeko aukeraren aurrean protesta egiteko. 12:30 aldera, baina, ibilgailua agertu ez dela ikusita, bertan behera utzi dute elkarretaratzea.
Feminismoaren eta gay, lesbiana eta transexualen aldeko banderak eskuan, transfobiaren kontrako aldarriak oihukatu dituzte, eta autobusa "ongietorria" ez dela nabarmendu dute.
Zabaldu denez, Hazte Oir plataformako kideek Eusko Legebiltzarrera heldu nahi zuten "adierazpen askatasunaren aldeko agiri bat" emateko (11:00etarako zegoen aurreikusita). Arratsaldean, 18:00etatik 20:00etara, Andre Maria Zuriaren plazan bi orduz egoteko baimena eskatu omen dute.
Dena dela, elkarte ultrakatolikoaren iturriek EFE albiste agentziari esan diotenez, ez dute datarik ezarri autobusa Euskadin ibiltzeko. Iragarri duten bakarra da ostegunean New Yorken izango direla ibilgailuaren "bertsio estatubatuarra" aurkezteko. Asmoa, diotenez, "NBEk genero eta abortuaren inguruan inposatu nahi duen ideologiaren aurrean, gurasoen askatasuna" aldarrikatzea da.
Iruñean, protesta artean
Atzo Iruñean gertatutakoa ikusita, eta autobusa Gasteizera joan zitekeela eta, elkarretaratzea deitu zuten LGTBI mugimenduak eta Bilgune Feministak Andre Maria Zuriaren plazan, eta "Transfobiarik ez. Alde Hemendik" lelopean. Gaur "adi egoteko" deia egin dute.
Antzeko leloak erabili zituzten asteartean Iruñean autobusaren kontra agertzeko. Dozenaka lagunek oihu artean hartu zuten, eta hirigunetik egindako ibilbidean Espainiako Polizia lagun zuela joan behar izan zuen autobusak. Hazte Oir plataformaren asmoa hori bazen ere, ezin izan zuten Nafarroako Parlamentuaren aurrean geldialdia egin. Halaber, Sarasate pasealekuan, manifestari bat harrapatu zuten ibilgailuak.
Haur transexualen kontrako kanpaina honek herritarren eta alderdi eta erakunde gehienen gaitzespena jaso du. Atzo bertan, Nafarroako Gobernuak eta Iruñeko Udalak ohar bana atera zuten autobusa arbuiatzeko.
Bizkaiko Batzar Nagusiek adierazpen instituzionala onartu dute gaur. Bertan nabarmendu dutenez, Hazte Oir plataformaren "mezu eta autobusak ez dira ongietorriak gure kaleetan, gizarte demokratiko baten balore eta printzipioen ?tolerantzia, genero aniztasuna eta aukeratzeko askatasuna, besteak beste? kontrakoak direlako".
Albiste gehiago gizartea
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.