Transexualen kontrako autobusa Euskal Herrian izango da martxoan
Adingabe transexualen normalizazioaren kontrako autobusa Euskal Herriko hainbat hiriburu eta herritan izango da martxoan. Hazte Oir plataforma ultrakatolikoak bultzatu du, eta egunak daramatza Madrilgo kaleetan honako mezuak zabaltzen: "Mutilek zakila dute. Neskek, alua. Ez zaitzatela engaina. Gizona bazara, gizona zara. Emakumea bazara, hori izaten jarraituko duzu".
Hazte Oir plataformak iragarri duenez, Iruñean abiatuko du Euskal Herrian egin behar duen ibilbidea, martxoaren 5ean eta 6an. Hilaren 7an eta 8an Donostian izango da, eta 9an, Bilbon. Martxoaren 10ean Getxon ibiliko da (Areeta eta Algorta auzoetan), eta 11n eta 12an, Gasteizen.
Chrysallis Euskal Herriak, adingabe transexualen familien elkarteak, berriki egindako kanpainari plataforma ultrakontserbadoreak emandako erantzuna da autobusa. Chrysallisek adingabe transexualen errealitatea normalizatzeko kanpaina egin zuen urtarrilean, eta "zakila duten neskatoak eta alua duten mutilak" daudela jarri zuen agerian.
EAEko eta Nafarroako autobus eta metro geltokietan eta sare sozialetan egon zen ikusgai transexualitatearen aldeko kanpaina. Eusko Legebiltzarraren, alderdien eta herritarren babesa lortu zuen kanpainak, baina haren kontrako zentsura saiakerak eta erasoak ere izan ziren.
Chrysallis EHk gaur erantzun dio Hazte Oirren kanpainari, eta "errespetua, maitasuna, eta ezagutza" aldarrikatu ditu, besteak beste.
Horrez gain, agiri ironikoa eskegi du bere webgunean. Nabarmendu duenez, "HazmeReir.org" plataformak bultzatuta du kanpaina, eta autobusean "gezurra eta ergelkeria" dabiltza. "Kaletik ikusten baduzu, ez ahaztu erdiko hatza ateratzea", erantsi dute.
Autobusa kentzeko eskaerak
Chrysallisek ez ezik, alderdi politikoek, transexualen eskubideen aldeko taldeek eta herritarrek ere egin dute kanpainaren kontra. Change.org plataforman, esaterako, 46.000 sinadura bildu dituzte autobusa ken dezaten. Madrilgo Udalari, Estatuko Fiskaltzari, Herritarren Defendatzaileari, Espainiako Gobernuak Madrilen duen Ordezkaritzari eta Publizitatea arautzen duen elkarteari zuzenduta dago eskaera.
Cristina Cifuentes Madrilgo Erkidegoko presidenteak uste du autobusa eta kanpaina "onartezinak" direla. Iragarri duenez, Madrilgo Abokatutza Orokorra jakinaren gainean jarri du, eta Concepcion Dancausa Espainiako Gobernuaren ordezkariari Fiskaltzaren aurrean salatzeko eskatu dio.
PSOEk, EH Bilduk, Equok eta Ezker Anitza-IUk kanpaina galaraztea eskatu diete Fiskaltzari eta agintariei, eta Rafael Hernando PPko bozeramaileak esan du Hazte Oirren ekimena "astakeria" dela.
Udalak mugitzen hasi dira
Testuinguru horretan, Madrilgo eta Bartzelonako udalek aurreratu dute galarazi egingo diotela sarbidea autobusari.
Euskal Herrian, Gorka Urtaran Gasteizko alkateak adierazi du kanpaina nola galarazi aztartzen ari direla, ez baitator bat "sexu aukera guztiekin tolerantea den hiri batekin".
Donostian, Eneko Goia alkateak esan du autobusarekin “ez kolaboratzeko” moduak aztertuko dituztela, baina erantsi du sarbidea galarazteko eskuduntzarik ez duela.
Gainera, Iruñean, Udaleko bozeramaileen batzordeak arbuioa agertu dio autobusari, "aniztasunarekiko errespetuaren aurkakoa" baita. Horren haritik, Joseba Asiron alkateak iragarri du "bide guztiak" ikertzen ari direla "autobusa etor ez dadin".
Jaurlaritza, "zain"
Bestalde, Eusko Jaurlaritzak salatu du kanpaina “erasoa” dela homosexualen eskubideen aurka, eta “errespetua” eskatu du kolektibo horrentzat.
Enplegu eta Gizarte Politiketako Sailetik azaldu dutenez, Jaurlaritza Hazte Oirren kanpaina nolakoa izango den ikusteko “zain” dago.
Beatriz Artolazabal sailburuak agiri bat kaleratu du, eta, horretan, gogorarazi du Legebiltzarrak transexualak ez baztertzeko lege bat onartu zuela 2012an.
Zure interesekoa izan daiteke
Behin-behinean aske utzi dute Iruñean bikotekide ohia hirugarren solairutik erorita hil ostean espetxeratutako gizona
Epaileak uste du akusatuak ezin dituela frogak aldatu eta neurri ez hain larriak daudela bere presentzia judiziala bermatzeko.
Gizon batek bikotekide ohia hil du Seseñan (Toledo)
Gizonak aurrekariak zituen indarkeria matxistagatik, eta biktima VioGen sisteman erregistratuta zegoen, arrisku-maila baxuarekin. Emakumea hil ondoren, erasotzaileak bere buruaz beste egin du.
Metro Bilbaoko segurtasun-langileek babesgabe sentitzen direla salatu dute
CCOO sindikatuak deituta, segurtasun pribatuko 150 bat zaindarik elkarretaratzea egin dute ostegun honetan Metro Bilbaoren egoitza nagusiaren aurrean, Urdulizko geltokian bi zaindarik jasandako azken erasoa salatzeko, eta deitoratu dute enpresa ez dagoela prest autodefentsarako esprai bat emateko.
Harrapaketak prebenitzeko teknologia duen Estatuko lehen autobusa estreinatu du Bizkaibusek
Harrapaketak prebenitzeko teknologia aurreratua duen unitate berri bat aurkeztu du ostegun honetan Bizkaibusek. Kanpoko prebentzio-sistema bat da, oinezkoak eta txirrindulariak babesten dituena ikuspen mugatuko egoeretan, hala nola geralekuetan edo zebra-bideetan.
133 ikastaro eta 29 tailer eskainiko ditu EHUk Udako Ikastaroen 45. edizioan
Zaintza izango da aurtengo gai nagusia, eta, bereziki, zaintzatik eraikitako etorkizun inklusibo eta berritzailea. Matrikulazio epea zabalik da, eta ikastaro bakoitza hasi arte egongo da izena emateko aukera.
Behin-behinean aske geratu da Oñatiko campuseko sexu-eraso saiakeragatik atxilotutako gizona
51 urteko gizonezkoa da, eta Ertzaintzak atxilotu du, Oñatiko Udaltzaingoaren laguntzarekin.
Ia lau urteko kartzela zigorra ezarri diote Realaren zale bati, Ertzaintzari harriak jaurtitzeagatik
Otsailean egindako epaiketan, gazteak aitortu zuen "bi edo hiru harri" bota zituela Ertzaintzaren aurka 2022ko martxoaren 13an Realaren eta Alavesen arteko partida atariko istiluetan. Defentsak helegitea aurkeztu du, hasieran atentatu delitu bakarra leporatu zioten arren, orain bi atentatu deliturengatik zigortu dutelako.
4 urte eta erdiko kartzela-zigorra, ikasle adingabeekin sexu-harremanak izateko kontaktuan jarri eta mehatxatzeagatik
Auzitegiak frogatutzat jo du akusatuak sare sozialetan nortasun faltsua erabili zuela hiru ikasle harekiko konfiantza izan zezaten eta elkartzeko proposamenak egiteko, kutsu sexualeko "sedukzio-hesia" egiteko ahaleginean.
Munduko kondoi ekoizle handienak prezioak % 20-30 igoko ditu Irango gerraren ondorioz
Kondoiak fabrikatzeko erabiltzen diren kautxu sintetikoa eta nitriloa, ontziratzeko materialak, lubrifikatzaileak eta hainbat eta hainbat material garestitu ditu Ekialde Hurbileko gatazkak, eta eskasia nabaritzen hasi da Karex konpainia.
Hiru ibilgailuren arteko istripua izan da, eta bost kilometroko auto-ilarak eragin ditu A-8an, Bilbo inguruan, Irunerako noranzkoan
Arrigorriagan izan da talka, eta, ondorioz, A-8 autobidean errei bat itxi behar izan dute. Trafiko-arazo handiak sortu dira, baina 10:00ak baino lehenago konpondu dira.