Eneko Atxak jatetxe berria irekiko du Tokion
Eneko Atxa sukaldari zornotzarrak Eneko Tokyo jatetxe berria irekiko du Tokion, irailaren 7an. Atzerrian zabaltzen duen hirugarren jatetxea izango da, eta euskal sukaldaritza berriaz gain Tokioko produktuak dastatzeko aukera egongo da bertan. Larrabetzun (Bizkaia) duen Azurmendi jatetxeak hiru Michelin izar ditu.
2016ko Abuztuan Eneko at One Aldwych jatetxea ireki zuen Londresen, One Aldwych hotelean. Gauzak horrela, atzerrian zabaltzen duen hirugarren jatetxea izango da Tokiokoa, Phuketen (Thailandia) ireki baitzuen lehena (Aziamendi jatetxea). Ohar baten bidez jakitera eman duenez, jatetxe berria Roppongi auzoan egongo da, eta bertako elikagaiak moldatuz plater berriak prestatuko ditu.
Jatetxea bi partetan banatuta egongo da. Areto nagusiak 44 jankide hartzeko tokia izango du, eta sukaldea zabalik izango du. Beste alde batetik, udaberritik udazkenera bitartean beste areto bat irekiko dute kanpoaldean. Halaber, lau sala pribatu izango ditu (balkoi eta guzti). Sukaldea zabalik egongo denez, platerak zuzenean nola prestatzen dituzten ikusteko aukera izango dute jankideek.
Munduko Jatetxe Onenen zerrendan (The World's 50 Best Restaurants), Azurmendi jatetxea 16. postuan dago. Gainera, nazioarteko jatetxerik jasangarriena bezala izendatu zuten. Hiru Michelin izar jaso dituen sukaldari gazteena da Eneko Atxa.
Albiste gehiago gizartea
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.