Milaka lagun, 39. Ibilaldian
Mungiak eman dio ongietorria Ibilaldia 2017ri. Durangoko Kurutziaga Ikastolari lekukoa hartu ziotenetik, prestaketa lanek ez dute etenik izan Larramendi Ikastolan. Badute eskarmentua lan horretan, 1998an ere Mungian ospatu baitzen Ibilaldia.
Igande honetan tenperatura altuak aurreikusi dituzte, eta baliteke termometroek 30 eta 35ºC arteko balioak harrapatzea, baxuenak kostaldean; izan ere, egunaren erdiko orduetan, haizea ipar-mendebaldera aldatuko da. Arratsaldean, zaparrada trumoitsuak botatzeko probabilitatea handitu egingo da.
Bizkaibusek zerbitzu bereziak jarriko ditu
Garraio publikoan Ibilaldira etortzeko aukera ezin hobea eskaini du Bizkaibusek. Bilbotik, Bermeotik, Bakiotik, Sopelatik, Plentziatik eta Gernikatik Mungiara irteten diren autobus zerbitzuek maiztasun handiagoa izango dute igande honetan. Halaber, Mungiara hurbilduko diren milaka euskaltzaleen itzulera errazteko antzeko maiztasunak jarriko dituzte. Zerbitzu bereziak Bizkaibusen webgunean kontsultatu daitezke.
Jai parekidea eta jasangarria
"Izan zirelako gara eta garelako izango dira esaldiari jarraituz, orain dela 50 urte Larramendi Ikastola bultzatu zutenen ondarea 50 urte barru izango direnek izan dezaten aldeko lana egunerokoa dela erakutsi nahi dugu Ibilaldian, urte osoko ekintza ere baitelako. Ez dadila katea apurtu", esan dute antolatzaileek.
Jaia morez tindatuko dugu aurten ere. Iazko Durangoko Ibilaldiak egindako ekarpena eta lana aintzat hartuz eta hari jarraipena emanez, "eragile moreek" Ibilaldi honetan ere "eraso gabeko jaia" izateko egingo dute lan, "begirada zorroztuta eta belarriak erne izanda".
Eraso sexistak eta jarrera desegokiak atzeman eta ekiditeko zaintza lana egingo duten boluntarioak dira "eragile moreak", eta peto more bat eramango dute, erraz ezagutzeko moduan.
Ingurumena zaintzeari ere berebiziko arreta eskainiko dio Ibilaldiak. Besteak beste, antolatzaileek erabiliko dituzten ibilgailuak elektrikoak izango dira, mugikortasun jasangarria aldarrikatzeko, eta garraio publikoa erabiltzeko deia egin dute.
Hondakinen kudeaketari dagokionez, birziklatzearen aldeko mezua zabalduko dute; edukiontzi ezberdinak jarriko dira ibilbidean zehar, eta ur eta argi-indar gutxiago erabiltzeko neurriak hartu dituzte.
Egitaraua
Antolatzaileen arabera, egitaraua osatzerakoan "pertsona guztiak izan ditugu gogoan, denentzako ekitaldiak proposatzeko". "Elkarlanaren ondorioz, musika, jokoak, ikuskizunak, tailerrak, kirola, dantza, animaliak, literatura eta abar izango dira Mungiako Ibilaldi honetan. Egitarau herritarra, parekidea eta parte-hartzailea landu dugu", azpimarratu dute.
Gazteen inplikazioa bilatzeko, Erronka izeneko proba izango da aurten. Erronkaren helburua 14-16 urteko gazteek festa egunean parte-hartze aktiboa izatea da, eta horretarako hainbat proba egingo dituzte. "Proba bizi eta zirraragarriak izango dira, taldeka gainditu beharrekoak. Hainbat herritako ikasleek egun paregabea igaroko dute elkarrekin, eta, gainera, ikastolen jaira hurbiltzen direnei ikuskizun ederra eskainiko diete", zehaztu dute.
Ibilbidea eta guneak
Mungia eta Larramendi Ikastola batuko ditu aurtengo ibilbideak, Mungiako bidegorria oinarri hartuta. 5,7 kilometroko ibilbidean, lau gune izango dira:
- EGUNERO, Larramendi Ikastolan
- ERDU, Iturbaltzagako auzoan
- ALKARREGAZ, Atelan
- JAIO, Mungiako erdigunearen hasieran
Bideoklipa eta abestia
Bideoklipa 2017ko otsailean grabatu zen Larramendi Ikastolan, Karlos Trijuekeren zuzendaritzapean. Itziarren Semeak talde mungiarrak jarri du musika, eta TAKET Bertsolari taldeko kideek, Mikel Goirienak eta Jone Larrinagak, egin dute letra.
Omenaldia eta lekukoa
Hasierako ekitaldia 09:30ean izango da, Larramendi Ikastolan. Ikastolak 50 urte betetzen ditu aurten, eta lehen promozioko ikasleek ebakiko dute zinta. "Ikaslea hezkuntza sistemaren ardatz jarri dugu oraingo honetan, eta baita orain 50 urte ere, ikasleak izan baitira beti gure izatearen arrazoia. Orduko ikasleak batuko ditugu, eta seguru gauza asko dituztela oroitu eta kontatzeko", esan dute gaurko aurkezpenean.
11:15ean, bigarren ekitaldi bat antolatuko da Larramendi Ikastolan. Ordu erdi iraungo duen ekitaldi horretan, Larramendi Ikastolak lekukoa pasatuko dio 2018ko Ibilaldia antolatuko duen Santurtziko Bihotz Gaztea Ikastolari.
Zure interesekoa izan daiteke
Emakume bat oso larri zauritu da N-121 errepidean, Bardean, auto batek eta kamioi batek elkar jota
Talkaren ondorioz, kamioia erabat erre da, baina gidaria ibilgailutik atera ahal izan da eta onik atera da. Autoko gidaria, aldiz, 32 urteko Tuterako bizilaguna, autoan harrapatuta geratu da eta suhiltzaileek askatu behar izan dute, 112-SOS-Nafarroak jakinarazi duenez.
Leonardo borraskak gutxienez 7 zauritu, desagertutako emakume bat, Grazaleman (Cadiz) husteak eta gainezka egindako ibaiak utzi ditu
Pasa den astelehenean Leonardo borraska Andaluziara iritsi zenetik, larrialdi zerbitzuek 2.231 intzidentzia baino gehiago kudeatu dituzte, eta Malagako Sayalonga udalerrian ibaira erori zen emakumearen bila jarraitzen dute. Egoera larriena Cadizen gertatzen ari da.
EHE-ko lau ekintzaile Baionako auzitegitik bota dituzte, euskaraz deklaratzen saiatzeagatik
Eraikin ofizial batean “Euskaraz bizi nahi dugu” leloa margotzeagatik auzipetuta daude lau lagunak eta gaur, epaiketan, euskaraz deklaratzeko eskubidea ukatu zaie, epaiketa bera “euskaldunok jasan behar ditugun eskubide urraketen beste adibide argi bat” bilakatu delarik, EHEren hitzetan.
Grazalema ur-jauziz inguratuta erakusten dute airetik hartutako irudi ikusgarriek
Azken orduotako euriteen ondorioz, metro karratuko 700 litro ur pilatu da Grazaleman (Cadiz). Guardia Zibilak airetik hartutako bideo honetan, herri oso bat ur-jauziz inguratuta ikus daiteke. Agintariek herria husteko agindua eman dute —1.500 herritar inguru—, badaezpada, uholdeek eragin ditzaketen kalteak direla eta.
Dei komertzialek 9 digituko zenbakiak erabiliko dituzte 400 aurrizkiarekin
Gainera, bezeroaren arretarako deiak soilik horretarako berariaz esleitutako zenbaki laburretatik, doako tarteetatik (800 eta 900) edo zenbaki geografikoetatik egin ahal izango dira.
Grazalematik alde egiteko agindua eman dute: Ura entxufeetatik eta etxeak ibai bihurtuta Leonardo borraskaren eraginez
Leonardo borraskak Andaluzia kolpatzen jarraitzen du, eta eguraldi iragarpenaren arabera, giro ezegonkorrak segida izango du asteburuan ere. Izan ere, Grazalemako etxebizitza askotan ura entxufeetatik atera da.
Hainbat kilometroko auto-ilarak Avanzadan, Leioa parean, hainbat ibilgailuk talka egin ostean
Trafiko-istripu batek zirkulazio-arazo handiak eragin ditu BI-637 errepidean, Avanzada tartean, Leioa parean, Erandiorako bidean.
Minbizia ez da borroka bat, ez da gerra bat
Minbizia borroka gisa definitzen da askotan, hizkera belikoa erabiltzen da, eta borroka hori irabazteko ardura pazienteari ematen zaio. Gaixoaren jarreran eta borondatean egiten da azpimarra, baina, hainbat ikerketa psikologikoren arabera, pentsamendu hori ez da batere egokia eta gaixotasuna gainditzea zaildu ere egiten du.
Herritarrak etxetik ateratzen hasi dira Grazaleman, azken orduotako uholdeak direla eta
Grazalema udalerriko (Cadiz) Ribera de Gaidovar inguruko bizilagunak etxetik ateratzen ari dira. Fresnillo presatik oso gertu bizi dira, eta ur-maila oso altua da han. Azken orduotan, metro koadroko 478 litro ur pilatu dira. "Alerta gorena" ezarri dute.
Telegrameko sortzaileak Sanchezen aurka egin du, sare sozialen plana dela eta: "Kontrolerako urratsak dira"
Mezua igorri die Estatu Espainiarreko erabiltzaileei, ohartaraziz Pedro Sanchezek atzo iragarritako neurriek "zaintzapeko estatu" bihur dezaketela Espainia, "babesaren aitzakian".