Gizon bat atxilotu dute hainbat pertsona harrapatu eta istripua izan ostean
Igandean, Puerto Banus udalerriko Lola Flores etorbidean (Marbella, Malaga) sartu zen eta oinezko batzuk harrapatu zituen gidaria (edanda zegoen) atxilotu egin du Polizia Nazionalak. Horrekin batera, beste pertsona bat zegoen autoan, eta hura ere atxilotu du Poliziak.
Horrez gain, gidaria ospitalera eraman behar izan dute, A-7 errepidean beste istripu bat izan eta gero. Istripu horretan, lau pertsona zauritu ziren; 12 eguneko haurtxo bat, tartean.
Andaluziako 112 larrialdietarako zerbitzuak ohar baten bidez eman du horren berri, atzoko 21:00etatik aurrera dozena bat dei baino gehiago jaso ondoren istripu horren berri emateko.
Puerto Banusera bertaratu ziren larrialdi zerbitzuetako kideen arabera, bi pertsona zauritu zituen atxilotuak, autoarekin harrapatuta, eta Marbellako Costa del Sol ospitalera eraman zituzten.
Halaber, Poliziak baieztatu duenez, oinezkoak harrapatu zituen autoak istripu bat eragin zuen A-7an sartu ondoren, beste auto baten aurka talka eginda, eta lau pertsona zauritu ziren: 12 eguneko umetxo bat, 35 urteko emakumezko bat eta 38 urteko beste gizonezko bat. Laugarren zauritua, 53 urteko emakume bat, ez zuten ospitalera eraman behar izan.
Gertaera horiek igande iluntzean gertatu ziren, 21:00ak aldera, edanda zegoen gizon bat Puerto Banus aldera sartu zenean noranahiko auto batekin, Guardia Zibilaren auto batek gelditzeko agindua eman ondoren.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.