Semea hiltzeko erabilitako labana ez zela etxekoa esan du Julenen amak
Donostiako Antigua auzoko etxe batean 2011. urtean labankadaz hilda aurkitu zuten 13 urteko mutikoaren amak epaiketaren gaurko saioan adierazi duenez, ez zuen etxean semeari heriotza eragin zion labanaren antzekorik. Halaber, semea "zoriontsu" ikusten zuela aitortu du, gurasoak banantzen ari ziren arren.
Julenen aitaren aurka Donostian egiten ari diren epaiketaren seigarren saioan deklaratu du emakumeak. Defentsak akusatua errugabea dela dio, eta Julen istripuz hil zela babestu du, motorzale-kasko baten itxura zuen itsulapikoa irekitzeko erabilitako labana konturatu gabe bularrean sartuta.
Itsulapiko horren inguruan hitz egin dute azken saioetan, batez ere. Heriotza gertatu eta gero gelara sartutako lekukoek ez dute orain arte han ikusi izana gogoratu.
Hori dela eta, objektu horri buruz ere hitz egin dute amari egindako galdeketan. Haren esanetan, umea hil zen gelako armairu batean gordetzen zuen.
Ondoren, Juleni heriotza eragin zion labana ere aztertu dute saioan. Amaren esanetan, ez du antzeko labanarik etxean. Bestalde, Julen ume "zoriontsua" zela gogoratu du, eta "oso ondo zegoela", nahiz eta gurasoak banantzen aritu.
Julenen aitarengandik zergatik banandu zen ere azaldu du: urte batean, jokoan 120.000 eta 140.000 euro artean gastatu zituela ohartu zelako hartu zuen erabakia.
Akusatuak seme-alabekin zuen harremanari dagokionez, "nahiko urrunekoa" zela adierazi du, ez zekielako "ezertxo ere" sendagilearengana egiten zituzten bisitei buruz, ezta eskolako bileren inguruan ere. Etxera iristen zenean, gelan sartu eta "uneoro haurrak saihesten" ahalegintzen zela zehaztu du.
Banandu egin nahi zuela esan eta gero, gizona "obsesiboa" bihurtu zela baieztatu du, eta etengabe saiatzen zela mezu bidez edo bien lagun baten bitartez harekin hitz egiten.
Horrez gain, gizona zainak mozten ahalegindu zela ere argitu du, Julen eta arreba txikiago bat aurrean zituela. Hori ikusita, indarkeriagatik salatu zuen.
Albiste gehiago gizartea
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.
Joxe Azurmendik euskal pentsamenduari egindako ekarpena azpimarratu dute Agirrebaltzategik eta Zulaikak
Filosofoa, saiogilea eta hainbat belaunaldirentzako erreferente intelektuala, Joxe Azurmendiren lanak Euskadiko pentsamendu kritikoa markatu du mende erdi baino gehiagoan. Azurmendik sekulako ondarea utzi du euskaran, ideietan... eta herria ulertzeko moduan.
Ehunka jarraitzailek omenaldia egin diote Diogo Jotari Liverpoolen, futbolari portugaldarra istripu batean hil ostean
Futbolari portugaldarra gaur goizaldean hil da, bere anaiarekin batera Espainian izandako auto-istripu batean. Hillsborogheko tragediaren biktimen oroimenez eraikitako memorialaren aurrean, Liverpooleko eta Evertoneko jarraitzaileek eta futbolzaleek aldare bat osatu dute, lore, bandera, bufanda eta kamisetekin.
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.
Iruñea sanferminetarako prest, pertsonako eta eguneko 125 eta 250 euro bitartean alokatzen diren balkoiekin
Entzierroak balkoi batetik ikustea negozio bihurtu den aukera bat da. Modan dago eta gero eta gehiago eskatzen dira. Hiriko eta inguruetako ostatuak ere datozen egunetan milaka pertsona hartzeko prestatzen ari dira.
‘Mater’ itsasontzi museoa kostaldean zehar ibiliko da, itsasora botatako zaborraren aurka borrokatzeko
Uztailean zortzi udalerritara iritsiko da, eta horietan itsasoko zaborra biltzeko doako jarduerak egingo dira. Ostegun honetan, Bilboko Itsasmuseum parean, 'Zero zabor uretan' ibilbideari hasiera eman diote, ingurumenari buruz kontzientziatzeko eta itsasoetako zaborrari buruz hausnartzeko.
Sonia Perezek gogorarazi du Cabifyk eta Uberrek hiriarteko ibilbideetan soilik jardun dezaketela
Aldundiak bost zigor jarri dizkie Gidaridun Garraio Ibilgailuen operadoreei 2025ean, gehienak hiriarteko ibilbideak soilik egitearen murrizketa ez betetzeagatik.
Kontaktuen orrien erabiltzaileei estortsioa egiten zien sare kriminal bat desegin dute Iruñean
Polizia Nazionalak 16 pertsona atxilotu ditu, eta ikerketak irekita jarraitzen du, Espainiatik kanpo egon daitezkeen beste bi inplikaturen bila ari batira.
Su handi batek Lleida kiskali du: zer da seigarren belaunaldiko sute bat?
Lleidako sutearen garrak 30 km/h-ko abiaduran joan ziren, 14 kilometroko altuerako hodei pirokumuloa sortu zen eta eguraldiak sua kontrolatzea zaildu zuen.