12 urte eta erdiko kartzela zigorra, Zornotzan gizonezko bat hiltzeagatik
Bizkaiko Auzitegiak 12 urte eta erdiko kartzela zigorra ezarri dio 2015eko irailean, Zornotzan, 61 urteko polizia nazional erretiratu bat kolpeka hiltzeagatik epaitutako 37 urteko gizonezkoari.
Gaur argitaratutako epaiaren arabera, kartzela zigorraz gain, udalerrian bizitzeko eta biktimaren senideengana gerturatzeko edota horiekin komunikatzeko debekua izango du. Halaber, erabateko desgaikuntza ezarri dio epaimahaiak.
Epaia ez da irmoa, eta aldeek helegitea aurkeztu ahal izango dute Euskal Autonomia Erkidegoko Justizia Auzitegi Nagusian. Gainera, akusatuak 330.000 euroko kalte-ordaina eman beharko die biktimaren senideei, eta ezin izango du hirugarren gradua jaso zigorraren erdia bete arte.
Hilketa 2015eko irailaren 17an gertatu zen Zornotzako Zubizabala auzoan, 37 urteko akusatua biktimaren baratzera joan zenean.
Epaiketan akusatuak esandakoaren arabera, biktimak mehatxu egin zion, eta hark pistola bat zeukala bazekienez, jo egin zuen bere burua defendatzeko. "Burua galdu nuen", azpimarratu zuen.
Epaimahaiaren esanetan, ordea, biktima akusatua baratzera heltzen ikusi zuen, baina ez zuen defendatzeko aukerarik izan.
Epaian irakur daitekeenez, akusatua 61 urteko gizona hiltzeko asmoarekin joan zen bertara, bi familien artean izandako "pasarte biolentoen mendeku" gisa.
Bestalde, epaimahaiak ukatu egin du hilketa gertatu zenean hiltzaileak bere buruko gaitasunak murriztuta zituenik.
Zure interesekoa izan daiteke
Harrera jendetsua egin diete Baionan Olentzerori eta Mari Domingiri
Ohiturari jarraikiz, Errobi ibaian barrena traineruz heldu dira Lapurdiko hiriburura. Opariak ez ezik, euskara eta itxaropena ere ekarriko dituztela azpimarratu dute biek ala biek.
Negu astronomikoa igande honetan hasiko da eta bi eklipse izango ditu
Urtaro berria abenduaren 21eko 16:03an hasi eta martxoaren 20an amaituko da, udaberria hastearekin batera. Eklipseak ez dira Euskal Herritik ikusgai izango.
Bizileku irtenbide bat eskatu dute Gasteizen asilo bila dauden Maliko pertsonentzat
Gaur egin duten protestako bozeramaileetako batek manifestu bat irakurri du, eta gogorarazi du maliar horiek gerratik eta pobreziatik ihes egiteko atera zirela beren herrialdetik, eta itxaron egin behar dutela asilo eskaera izapidetzeko, "gehienetan, urteak atzeratzen direlako gestioak".
Ireki dute berriro AP-1 errepidea, kamioi baten istripuagatik itxita egon ostean
Kamioi batek su hartu du AP-1 errepidean, Iruraiz-Gaunan (Araba), eta errepidea itxi behar izan dute Irungo noranzkoan.
Hemen da San Tomas, urteko feria nagusia
Bilbok eta Donostiak urteko azokarik garrantzitsuenetako bat ospatuko dute igande honetan. Aterkia ezinbestekoa izango da egunean zehar, fronte batek prezipitazioak utziko baititu.
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar kalejira egin aurretik. Abenduaren 23an izango da, eta zuzenean jarraitu ahal izango da streaming bidez eitb.eus-en, 18:30ean, Anabel Arraizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.