Bart desagertu den urpekari bilbotar baten bila ari dira Islaresen
Kantabriako larrialdi zerbitzuak bart Islaresen, Cotonera inguruan, desagertu den Bilboko 23 urteko urpekari baten bila ari dira lurrez, itsasoz eta airez.
Hala adierazi diote DYA Kantabriatik Europa Press albiste agentziari. Bilaketa atzo gauean hasi zuten. Desagertutako gaztea beste pertsona batekin zegoen, baina azken hori onik irten zen.
22:00ak aldera izan zuen Kantabriako Gobernuaren 112 Larrialdi Zerbitzuak desagerpenaren berri.
Zerbitzu horretatik zabaldutako ohar baten arabera, gaztea beste lagun batekin sartu zen uretara 19:30 inguruan, oxigenorik gabeko arrantza egitera. 22:00ak aldera, laguna itsasotik irten zen, baina ez desagertutakoa.
Abisua jaso ondoren, bilaketa antolatu zuten, eta buru-belarri aritu ziren 02:30 arte. Kantabriako Gobernuko eta Itsas Salbamenduko helikopteroak, Castro Urdialesko suhiltzaileen, DYAren eta Gurutze Gorriaren itsasontziak, Guardia Zibilaren eta Udaltzaingoaren agenteak, eta Babes Zibileko eta Larrialdietako teknikariak aritu dira zeregin horretan.
Gurutze Gorriko Laguntza Psikologikorako Taldeko kideak ere bertaratu ziren, senideak artatzera.
Gaurko lehen orduan ekin diote berriro hura bilatzeari; Kantabriako Gobernuaren helikoptero batek egingo du lehenengo bilaketa, eta Itsas Salbamendukoak txandakatu du gero. Kantabriako Gobernuak droneak ere erabili ditu ingurua arakatzeko.
Gainera, Castro Urdialesko suhiltzailek eta Gurutze Gorriak itsasontzi bana bideratu dute, urpekariekin; DYA beste bi itsasontzirekin laguntzen ari da, eta Babes Zibila, beste batekin. Guardia Zibilak eta Itsas Salbamenduak ere itsasontziak eta urpekariak bidali dituzte.
Lurrez, Guardia Zibila, Udaltzaingoa, Castro Urdialesko suhiltzaileak, Babes Zibila, DYA ari dira haren bila, eta baita Babes Zibileko eta Larrialdietako teknikariak ere.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, gaineratu du beherakada "matrikulazio bizia" delakoarekin konpentsatuko dela. Izan ere, irailetik 5400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerrian, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.