Esquadra Mossoek Bartzelonako atentatuaren egilea tiroz hil dute
Esquadra Mossoek Bartzelonako Rambla pasealekuan izandako atentatuaren ustezko egilea, Younes Abouyaaqoub, tiroz hil egin dute. Hala baieztatu du Kataluniako Poliziak.
Younes Abouyaaqoub Sant Sadurni eta Subirats herrien arteko mahasti batean topatu du patruila batek, lekuko batek ingurune horretan egon zitekeela jakinarazi ostean.
Josep Lluis Trapero Esquadra Mossoen buruzagiak agerraldia egin du polizia-operazioaren inguruko xehetasunak emateko.
Poliziak ikustean, bonba-gerriko bat zeramala ohartarazi eta "Ala handia da" oihukatu du. Soinean zeraman gerrikoa lehergailuz osatuta ez zegoela egiaztatu dute gero. Cambrilsen (Tarragona) hildako jihadistek ere simulatutako bonba-gerrikoak erabili zituzten.
Traperok zehaztu duenez, lekukoek antzeman dutenean bakarrik zegoen, baita agenteek tiroz hil dutenean ere.
Horrenbestez, desegintzat eman dute Bartzelona eta Cambrilseko (Tarragona) atentatuak burutu zituen taldea. Eskuadra Mossoen arabera, talde hori 12 lagunek osatzen zuten, lau epailearen esku utzi dituzte eta gainerako guztiak hilda daude.
Alabaina, ikerketak aurrera egin ahala talde horrekin lotutako beste pertsona batzuen izenak agertzea ez dute baztertzen.
Vilafranca del Penedes (Bartzelona) komisariako zuzendariak eta zuzendariordeak antzeman dute Abouyaaqoub arratsalde honetan Sant Sadurni d?Anoia, tren geltokitik hurbil. Iheslariaren inguruko informazioa jasotzeko bilera batetik ateratzean ikusi dute, hain justu ere.
Horrez gain, Subirats herriko bizilagun batek Kataluniako Poliziari deitu dio Bartzelonako erasoaren egilea ikusi duela ohartaraziz. Deigarria egin zaio gaur egin duen bero handiarekin gizonezkoak mahuka luzedun alkandora eramatea eta orduan ohartu da nor zen.
Mossoen patruila bat berehala bertaratu da zonalde horretara eta mahasti batean ezkutatuta topatu dute Abouyaaqoub. Honek "Ala handia da" oihukatu eta alkandora zabaldu du, soinean lehergailu bat zeramala itxurak eginez. "Une horretan agenteak tiroka hasi dira eta hil egin dute", esan du Kataluniako Poliziaren arduradunak.
Rambla pasealekuko erasoa gauzatzeko erabili zuten furgonetan topatutako aztarnekin alderaketak egin ostean, hildakoa Younes Abouuyaaqoub zela baieztatu dute.
Atentatuaren ostean gazte bat hil zuen, hari autoa lapurtu eta ihesi joateko. Gaur hainbat labana topatu dizkiote. Erasoan horietako bateren bat erabili ote zuen aztertzen ari dira orain.
Ripolleko imama Alcanarren hil zen
Gainera, Esquadra Mossoen buruzagiak baieztatu du Ripolleko (Girona) imama, Abdelbaki Es Satty, Tarragonako Alcanar herriko txaletean izandako leherketan hil zela. Imamak garrantzi handia izan zuen zelularen sorreran; txalet horretan, ustez, erasoak prestatzen ibili ziren, hainbat hilabetean.
Traperok aseguratu duenez, Alcanarreko etxean topatutako gorpuzkiei DNA probak egin dizkiete; horrela ondorioztatu dute imama hil zela, beste terrorista batekin batera, leherketan.
Ikertzaileen hipotesi nagusia da imama oinarrizkoa izan zela zelulako gainerako hamaika kide erradikalizatzeko; Ripollen bizi ziren gazte batzuek osatu zuten zelula hori.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.