Abouyaaqoubek gidatu zuela baieztatu eta topatzeko laguntza eskatu dute
Bartzelonako atentatuaren furgonetako gidaria eta zuzeneko hiltzailea Younes Abouyaaqou dela esan du Joaquim Forn Barne kontseilariak. Halaber, Mossoek atentatuaren egilea identifikatu dutela jakinarazi dute.
Abouyaaqoubek oinez egin zuen ihes Ramblatik, biktimak harrapatu eta gero, eta San Just Desvernetik (Bartzelona) irten zen hiritik, Diagonal etorbidean gidari bat hil eta haren autoa lapurtu eta gero.
Josep Lluis Trapero Mossoen buruak eman du informazioa gaur, prentsaurreko batean, Joaquim Forn Barne kontseilaria eta Carles Mundó Justiziakoa alboan zituela.
Traperoren hizetan, Abouyaaqoub Boqueria merkatutik egin zuen ihes Ramblatik, 18:20 aldera unibertsitate aldera iritsi zen, eta, bertan, Pau Perez Ford Focus baten gidaria hil zuen, hori autoa aparkatzen ari zela: ?Sastakatu zuen, autoa hartu zuen, Poliziaren kontrol bat saihestu zuen eta San Justera heldu zen.
Aboyuaaqoub non dagoen argitzeko orduan, ez dute baztertu beste herrialderen batera joateko ?mugaren bat? igaro izana, baina oraindik ez dute ?horren ebidentziarik?.
Mossoek emandako informazioaren arabera, Younes Abouyaaqoubek 1,80 metroko altuera da, ile iluna labur darama eta baliteke hainbat eguneko bizarra izatea. Pertsona arriskutsua da, litekeena baita armak eramatea aldean.
Ripolleko imana, Alcanarreko leherketan hilda
Gainera, Traperok azaldu du Poliziak zantzu ?nabarmen eta sendoak? ditu Abdelbaki El Satty Ripolleko imana Alcanarreko lehen leherketan hil zela pentsatzeko.
?Froga guztiak jasotzeko zain, oso zantzu sendoak ditugu bi hildako daudela esateko?, esan du azken orduetan leherketaren biktimak hiru izan zirela zabaldu dela eta.
Mossoek bi erregistro gehiago egin dituzte Ripollen
Esquadra Mossoek goizalean bi erregistro gehiago egin dituzte Ripolleko (Girona) etxebizitzetan, Bartzelonak eta Cambrilseko (Tarragona) atentatuen egileei buruzko informazio garrantzitsua bilatzeko.
Hala azaldu du Joaquim Fornek, asteburu osoan hamar bat erregistro egin ostean, hainbat terrorista bizi ziren herrian.
Zure interesekoa izan daiteke
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.
Euskal Herrian Euskarazek CCOO sindikatuaren mehatxua salatu eta mobilizatzeko deia egin du
EHEk adierazi du sindikatuak bost konpromiso eskatu dizkiola, bestela bide judiziala abiatuko duela ohartaraziz, eta egoera “onartezina” dela salatu du.
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.