Imama, giltzarria zelula sortzeko eta erradikalizatzeko prozesuan
Esquadra Mossoek jakitera eman dutenez, Ripolleko (Girona) imama giltzarria izan zen Bartzelonako eta Cambrilseko atentatuak egin zituen zelula terrorista sortzeko garaian. Alcanarreko etxeko eztandan hil zen, ustez erasoak prestatzen ari ziren bertan.
Josep Lluis Trapero Esquadra Mossoen buruzagiak baieztatu du Ripolleko (Girona) imama, Abdelbaki Es Satty, Tarragonako Alcanar herriko txaletean izandako leherketan hil zela. ADN frogek ahalbidetu dute informazio hori lortzea.
Hasiera batean, Traperok esan du etxebizitzaren leherketan bi pertsona hil zirela, baina ?beste aukeraren bat itxi gabe oraindik?, begizko ikuskapena amaitu ez delako, eta gorpuzki gehiago agertu daitezkeelako.
Ikertzaileen hipotesi nagusia da imama oinarrizkoa izan zela zelulako gainerako hamaika kide erradikalizatzeko; Ripollen bizi ziren gazte batzuek osatu zuten zelula hori.
Lau atxilotuak iritsi dira Auzitegi Nazionalera
Atentatuekin zerikusia duten lau atxilotuak 08:30ean iritsi dira Auzitegi Nazionalera, Fernando Andreu Auzitegi Nazionaleko epailearen aurrean deklaratzeko. Ikerketako arduraduna da Andreu, iturri juridikoek azaldu dutenez.
Mohamed Houli Chemlal eta Mohamed Alla. EFE
Driss Oukabir, Mohammed Alla, Salh el Karib eta Mohamed Houli Chemal kideek deklaratuko dute. Lehenengoa Cambrilsen agenteek tiroz hil zituzten bost terroristetako baten anaia da. Erasoa egiteko furgonetak alokatzeko anaiak dokumentazioa lapurtu ziola salatzera zihoan ustez, eta Ripolleko Mossoen polizia etxearen inguruan atxilotu zuten.
Dris Oukabir eta Salah El Karib. EFE
Beste hirurak Mohammed Alla, Salh el Karib eta Mohamed Houli Chemal dira. Azken horren lekukotza giltzarria izan daiteke zelularen helburuak azaltzeko.
Esquadra Mossoek atxiloketa luzatzea eskatu zuten, legeak 72 orduko epea jasotzen duelako, baina terrorismoarekin zerikusia duten kasuak 48 ordu gehiago luzatu daitezke.
Zure interesekoa izan daiteke
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.