Casilda Iturrizar parkea, gurdietatik mundu digitalera
100 urtetik gora dituen Atlasko zedro bat, jateko onak ez diren gaztainak ematen dituen indi gaztainondo bat, ohiko kolore berdea izan beharrean gorrixka duen pago bat, botila forma duen Brachychiton bat… Horiek dira Casilda Iturrizar parkeak, Bilboko berdegune garrantzitsuenetariko batek, dituen altxorretako batzuk.
Jadanik ez da beharrezkoa Abandoraino joatea bere bideetan zehar galtzeko, izan ere, zuhaitzak, parkea apaintzen duten eskulturak eta bertako txoko guztiak Vivir los parques izeneko plataforma digitalaren bidez ikus daitezke. Bartzelonako Ciutadella parkea eta Valentziako Realeko lorategiak ez ezik, Casilda Iturrizar parke ezaguna ere ikus daiteke bertan.
(Argazkia: Jesus Maria Tortajada)
1907an diseinatu zuen parkea Ricardo Bastida bilbotar arkitektoak, eta Zabalguneko parkea izenarekin ezagutu zuten 1945. urtera arte. Maite Lorenzo arkitektoak ikerketa bat egin berri du Ondarearen Europako Jardunaldien barruan, leku horren atzean dagoen istorioa ezagutzeko.
"1912an hasi ziren egiten eta 1920an bukatu, baina gero beste elementu batzuk gehitzen jarraitu zuten, urmaela eta pergola besteak beste", bilbotar arkitektoaren arabera. Lorenzoren esanetan, hasierako proiektuan hauek zeuden: gurdientzako korridore handi bat, hiriko bi zonaldeak (Abandoibarra eta Zabalgunea) lotzen zituen biribilgune eliptiko bat eta, kota baxuenetan, parke bat, "ukitu askoz ere erromantikoagoa duena, bide bihurgunetsuz betetakoa eta zarataz aldendutakoa".
(Argazkia: Julen Iturbe)
Hiriko gune nagusietatik oso gertu egon arren, Casilda Iturrizar parkea toki lasaia da oraindik, eta bilbotarrek nahiz bisitariek paseatzeko edo atseden hartzeko erabiltzen dute. Bestalde, txikienek ere gozatzen dute urmaeleko ahate, zisne eta pauma espezie ugari ikusten edo zabuetan jolasten.
Baina hiriaren arnasgune hori bereizten duen zerbait badago, bere landareak dira. Gaur egun, parkeak 71 espezietako 885 zuhaitz ditu, 5 kontinenteetakoak. Horietako askok ehun urtetik gora dituzte, baina, zergatik Bilbon? "Inguruan ditugun herrietan bizi ezin litezkeen espezie subtropikalak ditugu hemen", adierazi du Iñaki Ganboa Bilboko Udaleko parke eta lorategien arduradunak. Ganboaren hitzetan, Bizkaiko hiriburuak "ez du oso klima zorrotza eta zuhaitz horiek bizitzea ahalbidetzen du".
(Argazkia: Jesus Maria Tortajada)
Casilda Iturrizar parkea leku paregabea da. Orain pantailetatik ere begiztatu daitekela, ez dago aitzakiarik gordetzen dituen sekretuak aurkitu eta transmititzen dituen bizitzaz, eta aldi berean baretasunaz, kutsatzeko.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.