Jendetza Zornotzan, Ibon Urrengoetxearen familia babesteko
Ehunka lagun bildu dira Zornotzako herriko plazan Ibon Urrengoetxearen hilketa gaitzetsi eta haren familiari babesa eta elkartasuna adierazteko.
Urrengoetxea abenduaren 23an hil zuten Bilbo erdigunean, kolpeka.
Udalak arratsalde honetan deitutako bilkura isilak 15 minutuko iraupena izan du. Herriko plaza txiki geratu da. Isiltasuna izugarria izan da. Txalo zaparrada batekin amaitu dute elkarretaratzea.
Ehunka herritarrekin batera, agintariak ere izan dira elkarretaratzean, besteak beste, Andoni Agirrebeitia Zornotzako alkateak, Juan Mari Aburto Bilboko alkatea eta Zornotzako alderdi politikoetako udal ordezkariak. Agirrebeitia pozik agertu da zornotzarrek eman duten erantzunarekin.
Bizilagunak saminduta eta amorratuta azaldu dira, gertatu dena oraindik ezin sinetsita. Ibon Urrengoetxeak emaztea eta sei urteko semea zituen.
Bilkura baino ordu eta erdi lehenago, 18:00etan, eman diote azken agurra Urrengoetxeari Karmengo Amaren Santutegian, Larrean. Han ere jendetza bildu da eta eliza txiki geratu da.
Goizean, Udalaren Bozeramaileen Batzordeak adierazpen instituzionala egin du, Urrengeotxearen hilketa gaitzesteko eta haren familiari babesa adierazteko.
Ertzaintzak gertatutakoa ikertzen jarraitzen du, baina oraingoz ez dituzte hiltzaileak atxilotu.
Albiste gehiago gizartea
Beroak "ondorio katastrofikoak" izango ditu langileentzat etorkizunean, OMEk ohartarazi duenez
Duela gutxi argitaratutako txosten baten arabera, 2.400 milioi pertsona muturreko tenperaturen eraginpean egon daitezke lanean ari diren bitartean.
Korapilatsua eta arriskutsua, Faltzesko Piloneko seigarren entzierroa
Faltzesko Piloneko seigarren entzierroak minutu bat eta 7 segundo iraun du, Hipica Zahoriko zezenak izan dira protagonista. Hainbat eroriko eta estropezu izan dira ibilbidean zehar. Horien artean, hasiera-hasieran zezen batek izandako erorikoa.
Suteen egoera salatzeko manifestazioak egin dira Galizian eta Gaztela eta Leonen
Espainian baso-suteak izaten ari dira udako protagonistak. Hori dela eta, manifestazioak burutu dira Galizian eta Ponferradan, lurraldeko egoerak salatzeko eta tokian tokiko gobernuaren dimisioa eskatzeko.
67 urteko mendizale irundar bat hil da Ekialdeko Pirinioetan erorita
Istripua Calit mendian gertatu da eta hildakoarekin batera zihoan emakumea onik atera da. Hildakoa eta haren emaztea eskarmentu handiko mendizaleak dira, eta ezbeharra ikertzen ari den Jendarmeriaren arabera, ekipamendu egokia zeramaten.
Bilboko Konpatsek eraso sexisten aurkako elkarretaratzea egin dute
Arriaga Antzokiaren aurrean egindako elkarretaratze jendetsu batean, Bilboko Konpartsek azken egunetan izandako eraso sexisten aurka egin dute. Aste Nagusiaz gozatzeko gonbitea luzatu diete herritarrei, baina erasotzaileei etxean geratzeko eskatu diete.
Antonio Aretxabala, geologoa: "Mendia ustiatzen duen jendeak zaindu behar du"
Antonio Aretxabala geologoak adierazi du bereizi egin behar direla basoa ekosistema gisa eta mendia industria-ustiapen gisa, hortxe baitago arriskua. Ohartarazi du hurrengo uholdeak okerragoak izango direla inguruan, lurra higatuta dagoelako. Ohartarazi du, gainera, norbaitek baso-sute batetik onura ateratzea arriskutsua dela.
Txupinerek ere egun handia dute Aste Nagusian!
Bilboko Aste Nagusiko txupinerak gaur eguerdian bildu dira, urtero bezala, Areatzako ohiko ongietorria egiteko. Guztiek txupinak bota dituzte berriro, euren uniformea jantzita, Malu Crespok duela 40 urte jantzi zuen jaka gorri tipikoarekin.
Gizon bat atxilotu dute Gasteizen, bikotekidea etxeko hozkailuaren kontra bultzatu eta mugikorra botatzeagatik
Eraso matxista asteazken arratsaldean jazo zen, Pilar auzoko etxe batean. Emakumeak hematoma bat zuen aurpegian.
Carlos Uriagereka (Bizkaiko Baso Zerbitzua): “Suteen mehatxupean zegoen herri bat salbatzeko aukera izan dugu”
Bizkaitar profesional ugari izan dira Leongo Casasuertes herrian, astelehenetik Gaztela eta Leonen penintsulako ipar-mendebaldea kiskaltzen duten suteak itzaltzen laguntzen. Carlos Uriagereka, Bizkaiko Aldundiko Baso Zerbitzuaren buruak adierazi du gogorra izan dela, baina pozik itzuli direla Euskal Herrira, lortu dutelako suebakiak eginez sutea kontrolatu eta bizilagunak etxera itzultzea.
Rozalen musikariak liluratu egin ditu Bilbon bildutako zaleak
Albaceteko artistak kontzertua egin du, bart, Europa Parkeko eszenatokian.