Autopsiak baieztatu egin du Abuinek itota hil zuela Diana Quer
'La Voz de Galicia' egunkariak ostegun honetan argitaratu duenez, Diana Querren autopsiak baieztatu egin du Jose Enrique Abuin 'el Chicle'k itota hil zuela gaztea, nahigabe harrapatuta hil zuela esan bazuen ere.
Egunkariak zabaldutakoaren arabera, auzitegiko medikuek azterketa gehiago egingo dituzte ondorengo egunetan, Querrek sexu-erasorik jasan zuen ala ez argitzeko.
Jose Enrique Abuin abenduaren 29an atxilotu zuten Galizian, Boiro herrian, eta Diana Querren gorpua 31n topatu zuten, industria-nabe batean. Hilotzak hormigoizko adreiluak zituen gerrian eta sorbaldetan soka bidez lotuta, lasta gisa, ikerketaren iturrien esanetan. Gazteak 18 urte zituen desagertu zenean, 2016ko abuztuaren 21etik 22rako gauean.
Adituek, baina, Quer nola ito zuten zehaztu behar dute oraindik; izan ere, baliteke eskuak erabiliz edo beste objekturen batez (gorpuaren ondoan agertu ziren bridak erabiliz, esaterako) egin izana.
Abuinen abokatuak auzia utziko du sexu-erasoa izan zela ondorioztatuz gero
Jose Enrique Abuin Pontevedrako A Lamako espetxera eraman zuten asteazkenean, haren segurtasuna bermatzeko. Haren abokatuak, Jose Ramon Sierrak, esana du auzia utziko duela ikerketak sexu-erasoa izan zela ondorioztatuz gero. Toxikologiako Institutu Nazionalak zehaztuko du hori, ehunak eta fluidoak aztertu ondoren.
Diana Querren familiak, bere aldetik, asteazkenean jaso zuen gaztearen gorpua, eta Madrilgo La Paz beilatokian izan ondoren, datozen orduetan lurperatuko dute, familiartean.
Dianaren gurasoak, Juan Carlos Quer eta Diana Lopez-Pinel, akusazio partikular gisa aurkeztu dira auzian, Ricardo Perez Lama abokatuarekin. Epaileak emandako autoaren aurrean helegitea jartzea ala ez ari dira aztertzen; izan ere, Abuinen emaztea, Rosario Rodriguez, aske utzi du epaileak, hilketaren ustezko egilea edo gaizkidea izatea egotzi gabe, familiaren gertuko iturriek esan dutenez.
Albiste gehiago gizartea
150.000 euroko kalte ordaina eskatu diote Bilboko ikastetxe bati, bullying kasu baten aurrean ezer ez egiteagatik
Eskola jazarpena jasan zuen ikaslearen abokatuak adierazi duenez, ikastetxeak ez zuen ezer egin neskari ondorio psikiatriko eta fisiko larriak eragin dizkioten erasoak saihesteko.
Pertsona bat zauritu da Arrasateko etxebizitza eraikin batean izandako sute batean
Sua 23:30 aldera piztu da San Josepe kaleko etxebizitza eraikin baten beheko aldean. Lehen unean, lau atari jendez hustu dituzte, baina hiru ataritako bizilagunak etxera itzuli ahal izan dira gauean zehar.
Pasaporteekin izandako arazoa konponduta, Saharako haurrak datorren astean iritsiko dira Euskal Herrira
Saharatik uda igarotzera etortzen diren haurrak aste honetan ziren iristekoak Euskal Herrira. Baina pasaporteekin izandako arazoen ondorioz, ezin izan dute hegazkinik hartu.
San Ferminetan legez kanpo saltzeko abanikoak, txanoak eta arropa atzeman dituzte aireportuan
Mila artikulu baino gehiago konfiskatu dituzte Noaingo aireportuan, tartean 500 abaniko eta 500 txano, ustez sanferminetan legez kanpo saltzeko.
Heldu da zure paketea: erosketak itsu-itsuan egiteko eroaldia Bilbora iritsi da
Pakete misteriotsuen fenomeno europarra uztailaren 7tik 14ra helduko da Zubiarte merkataritza gunera. Esperientzia paregabea da, benetako ustekabeak lortzeko. Intuizioa eta zortea dira horretarako gakoak.
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.
Joxe Azurmendik euskal pentsamenduari egindako ekarpena azpimarratu dute Agirrebaltzategik eta Zulaikak
Filosofoa, saiogilea eta hainbat belaunaldirentzako erreferente intelektuala, Joxe Azurmendiren lanak Euskadiko pentsamendu kritikoa markatu du mende erdi baino gehiagoan. Azurmendik sekulako ondarea utzi du euskaran, ideietan... eta herria ulertzeko moduan.
Ehunka jarraitzailek omenaldia egin diote Diogo Jotari Liverpoolen, futbolari portugaldarra istripu batean hil ostean
Futbolari portugaldarra gaur goizaldean hil da, bere anaiarekin batera Espainian izandako auto-istripu batean. Hillsborogheko tragediaren biktimen oroimenez eraikitako memorialaren aurrean, Liverpooleko eta Evertoneko jarraitzaileek eta futbolzaleek aldare bat osatu dute, lore, bandera, bufanda eta kamisetekin.
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.