Foruzaingoak zazpi gizon atxilotu ditu, emakumearen aurkako indarkeriagatik
Foruzaingoak zazpi gizon atxilotu ditu Nafarroan emakumearen aurkako indarkeriarekin zerikusia duten delituak egotzita: Iruñean, Burlatan, Huarten, Caparroson, Valtierran eta Lizarran.
Iruñean, 30 urteko gizon bat atxilotu dute hiriko segurtasunerako agenteek, emakume bati eraso egiteagatik. Horrez gain, 22 urteko beste mutil bat hartu dute atxilo, emakumearen aurkako indarkeria delitu bat egotzita. Biktimak salaketa jarri zuen, bikotekideak eztabaida baten ostean jo egin ziolako.
Halaber, Udaltzaingoak 44 urteko iruñear bat atxilotu du Burlatan, kautelazko neurriak hausteagatik.
Huarten, berriz, Esteribarreko 43 urteko gizon bat eraman dute epailearen aurrera, bikotekideari lepoan eta besoetan zauriak eragiteagatik.
Tafallako polizia-etxeko agenteek 27 urteko gizonezko bat atxilotu dute Caparroson, tratu txarrak leporatuta. Biktimak mehatxuak, indarkeria, akosoa eta jazarpena salatu ostean izan dute gertaeraren berri.
Valtierran ere 31 urteko herritar bat atxilotu dute, urruntze agindu bat urratzeagatik.
Bestalde, 49 urteko gizon bat hartu dute atxilo Lizarran, emazte ohia iraindu, gutxietsi eta mehatxatzeagatik. Emakumearen aurkako Lizarrako Epaitegian babesa eskatu du.
Horrez gain, Esquadrako Mossoek Gironako pertsona bat atxilotu dute, emakume nafar bati heriotza mehatxua egiteagatik.
Zazpi atxiloketa horiek kontuan izanik, 23 dira dagoeneko Foruzaingoak 2018an emakumearen aurkako delituak leporatuta preso eraman dituen gizonak.
----
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
Aldaketak Bilboko trafikoan datorren astelehenean, Itzulia Basque Country 2026 dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak daude.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.