Otxarkoagako hilketagatik atxilotutako adingabeak, Fiskaltzaren aurrean
Otxarkoaga Bilboko auzoko etxebizitza batean adineko bikote bat hiltzeagatik atxilotutako 14 urteko bi mutikoak Adingabeen Fiskaltzaren aurrera eraman dituzte deklaratzera. Atzo atxilotu zituzten, eta ertzain-etxean eman dute gaua.
Eusko Jaurlaritzako Segurtasun Sailak jakinarazi duenez, ikerketa zabalik dago oraindik.
Bi mutikoek aurrekariak dituzte indarkeriaz eta larderiaz egindako lapurretengatik. Adingabeak direnez, baina, Adin Txikikoen Fiskaltzak hartuko du bere gain auzia.
Lehen atxiloketa igandeko 14:30ean egin zuten, Balmasedan (Bizkaia); bigarren atxiloketa, aldiz, Bilbon, 17:30 aldera.
Bikotearen hileta, bihar
Senar-emazteen hileta elizkizuna asteartean egingo dute, 18:00etan, Justo eta Pastor santuen parrokian.
Senar-emazteak ostegunean aurkitu zituzten hilda, etxean, Otxarkoaga auzoan. Gorpuek indarkeria-zantzuak zituzten, labankada ugari tartean.
Hiltzaileek bortizkeria handia erabili zuten, ikertzaileen esanetan. Familiarteko batek aurkitu zituen senideen gorpuak. Telefonoari erantzuten ez ziotela ikusita, haien etxera joan zen, eta bertan aurkitu zituen, hilda. Agintariei horren berri emanda, Ertzaintzak ikerketa abiatu zuen berehala, eta lan horren ondorioz egin dituzte bi atxiloketak.
Zure interesekoa izan daiteke
Kamioilari bat hil da AP-8an Irunen izandako istripu batean
Bi kamioik elkar jo dute Baionaranzko norantzan. Ondorioz, autobidea itxi behar izan dute eta auto-ilarak sortu dira.
Gehiago eta hobeto bizitzen ikasteko proiektu batean parte hartzen ari dira 65 urtetik gorako 600 bizkaitar
Biobizkaia Institutuaren azterketak mendekotasuna prebenitzea eta osasuna zaintzea du helburu, baina ez da azterketa medikoetan bakarrik geratzen. Parte hartzaileek nutrizioari, mikrobiotari eta ohiturei buruzko hitzaldiez ere gozatzen dute, beren ongizatearen hobetzen laguntzeko.
Euskadi eta Katalunia Unescoren eta Turismoaren Nazioarteko Erakundearen kide izatea sustatuko du Espainiako Gobernuak
Horrekin batera, "estatutu zabalago bat" eskatu du Espainiako Gobernuak, "lurralde horiek kulturaren eta turismoaren arloan dituzten eskumenak garatu ahal izateko". Juntsekin adostutako akordioen barruan kokatu du iragarpen hori Pedro Sanchez presidenteak.
Padura artifizialak sortu eta etorkizuneko eraikinetako kotak igoko ditu Jaurlaritzak, itsas mailaren igoerari aurre egiteko
Egoerarik okerrenean, itsasoaren maila 0,72 metro igo liteke 2100. urterako. Horrek guztiak zuzenean eragingo die EAEko biztanleriaren % 32ri (700.000 pertsonari baino gehiagori) kostaldean eta bokaletik hurbil dauden ibai haranetako biztanleei. Hori dela eta, Eusko Jaurlaritza onartu du, behin-behinean, Itsasertza Babestu eta Antolatzeko Lurralde Plan Sektorialari.
Duela 80 milioi urte baino gehiago Barrikan (Bizkaia) izandako glaziazio batek ezbaian jarri ditu eredu klimatikoak
Kretazeoan izotzik gabeko Lur planeta baten aukera errefusatuko luke aurkikuntza horrek, eta komunitate zientifikoan errotuta dagoen ideia hautsi, hau da, garai hartako klima izugarri beroa izan zela, planetaren historiako tenperatura altuenetakoak izateraino.
Gizon bat atxilotu dute Santurtzin, faltsututako Athleticen 2.070 kamiseta izateagatik
Atzemandako materialak 132.000 euroko balioa izango luke merkatuan, Bizkaiko Guardia Zibilak egindako kalkuluen arabera. Atxilotuari jabego industrialaren aurkako delituak egitea leporatzen diote.
Gizon bat atxilotu dute Araban, adingabeen argazkiak AArekin manipulatu eta haur pornografia sortzea egotzita
Poliziaren arabera, atxilotutakoak adingabeen argazkiak hartzen zituen kalean eta igerileku publikoetan, eta adimen artifizialarekin manipulatzen zituen biluzik ager zitezen.
'Aita Mari'k 53 pertsona lehorreratu ditu Italian, hiru egunez nabigatu ostean
Aita Marik pasa den ostiralean Mediterraneoan erreskatatutako 56 lagunetik 53 lehorreratu ditu Italiako Brindisi portuan. Izan ere, bi hilabeteko haur bat eta haren gurasoak Italiako kostazainek artatu zituzten, haurrak muturreko desnutrizioa eta deshidratazioa zituelako.
Ehunka lagun elkartu dira Zestoan, "elkartasun feministagatik" auzipetutako sei pertsonen aldeko elkarretaratzean
Herriko sei bizilagun epaituko dituzte datorren astean, integritate moralaren aurkako delitua egotzita. Akusatuetako emakumeetako baten bikotekide ohia da salaketa jarri duena, kalte egin diotela bere izen onari argudiatuz, duela urte batzuk indarkeria matxista leporatu ziotelako.
8 urteko haur bat harrapatu dute Iruñeko Marcelo Celayeta etorbidean
Haurrak izaera erreserbatuko polikontusioak jasan ditu, eta Nafarroako Unibertsitate Ospitalera eraman dute.