Nafarroako Kazetarien Elkargoak eta Elkarteak Iturengo erasoak salatu dituzte
Nafarroako Kazetarien Elkargoak eta Kazetarien Elkarteak Iturenen komunikabide batzuetako hainbat langilek jasandako erasoak, irainak eta mehatxuak salatu dituzte asteazken honetan. Aipatutako erasoak, irainak eta mehatxuak herri horretako Inauterietako informazioarekin lanean ari zirela pairatu zituzten.
Idazkian, hain zuzen ere, ETBko, NavTVko eta idatzizko hainbat komunikabidetako profesional batzuek bizi izandako egoerei egiten diete aipamena. Langile horiei "erabateko elkartasuna eta babesa" agertzen dizkie: "Mozorroen atzean ezkutatuta, pertsona batzuek eraso zieten; horiek ez dira Iturengo ordezkari, herria errespetu eta begirune osoa merezi du, eta festa-eguna zuen, Zubietako herritarren bisitarekin".
Informazio-profesionalek, idazkian salatuta dagoenez, hauek pairatu zituzten: kolpeak kameretan, eraso fisikoa, harrokeriaz egindako ohartarazpenak, irainak, eta mehatxuak Horrez gain, simaurra bota zieten. Hori dena lana betetzen ari zirela izan zen.
Bi elkarteek deitoratu dituzte gertakariak: "Informazio-askatasunaren aurkako erasoak dira". Esan dutenez, Inauterietan, beste zenbait herritan ere izan dira horrelakoak.
Kasu honetan, diotenez, polemika iaz sortu zen, sare sozialetan; izan ere, festan hildako animaliak erabili omen ziren, argitaratutako argazkien arabera. Hori egitea debekatuta dago.
Agenteentzako deia
Testuinguru honetan, alerta-deia egin diete aginte-agenteei, xede izanik horiek babestea "komunikabideetako profesionalek duten lanerako eskubidea, bai eta horien segurtasuna ere". Kazetariek herri jakin batzuetara joan behar dute, Inauterien ospakizunaren berri emateko, eta inork ez du zertan mugatu informazioaren askatasuna; mugak jartzearen asmoa da, kazetarien iritziz, jendeak informaziorik ez izatea, horretarako eskubidea badu ere.
Halaber, "baldintzarik gabeko babesa" agertu diete profesionalei; euren esku dagoen guztia eskaintzen diete, gertaera hauekin lotuta.
Horrelako erasoak beste herri-jai batzuetan ere gertatzen direla gogorarazita, kazetariek azpimarratzen dute onartezina eta gaitzesgarria dela "informaziorako eskubidea oztopatzea, bereziki interes publiko eta popularra duten festetan (horietako batzuk interes turistikoak dira, gainera). Hori ezin da onartu gizarte osasuntsu, demokratiko eta anitz batean, komunikabideei euren lana egiten ez uztea".
Zure interesekoa izan daiteke
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.