Bizkaia Zubiak 125 urte ospatuko ditu kultura eta kirol ekitaldi egitarau batekin
Bizkaia Zubiak 125 urte beteko ditu aurten. Urteurren berezia ospatzeko kultura eta kirol ekitaldi egitaraua prestatu dute arduradunek, besteak beste, Eusko Jaurlaritzak antolatutako turismo industria foro bat. UNESCOk Zubi Esekia Gizateriaren Ondare izendatu zuen 2006an.
Ekitaldien aurkezpenean parte hartu du Alfredo Retortillo Turismo, Merkataritza eta Kontsumo sailburuak, Getxoko ibaiertzean. 125 zenbakia irudikatuz argiak piztu dituzte, Zubi Esekiaren urteurrenari hasiera emateko.
Ekitaldien egitaraua urtean zehar zehaztuko dute. Kultura jarduerak (musika, folklore, literatura eta arte plastiko jaialdiak), kirol jarduerak, besteak beste, estropadak eta herri-lasterketak; eta jolas-jarduerak, gastronomiarekin lotutakoak esaterako, daude aurreikusita.
Transbordadore-zubien II. Kongresua
Uztailean Transbordadore-zubien II. Kongresua bertan egingo dute. Era berean, urteko azken hiruhilekoan turismo industriaren foro bat antolatuko du Eusko Jaurlaritzak.
Bizkaia Zubiaren “kultura, ondare eta turismo” balioa goraipatu du Retortillok. Sailburuaren hitzetan, Euskadiko industria ohituraren ikur bat da. “Euskadi berria Zubi Esekiarekin” hasi zela ziurtatu du.
Asier Atutxa Bilboko Portuaren Agintaritzako presidenteak, Mikel Torres eta Imanol Landa Portugalete eta Getxoko alkateek, hurrenez hurren, Lorea Bilbao Bizkaiko Euskara eta Kultura foru diputatuak eta Imanol Pradales Lurralde eta Garapen Ekonomikorako foru diputatuak ekitaldian parte hartu dute.
Albiste gehiago gizartea
Abisu horia ezarri dute astearte honetarako EAEn, beroagatik eta prezipitazioengatik
Beroagatik ezarritako abisua 12:00etatik 18:00etara egongo da indarrean. Euriaren abisua, berriz, 15:00etan aktibatuko da eta gauerdira arte egongo da indarrean.
Motorzale bat larri zauritu da Bidankozen, auto batekin talka egin eta aldapa batetik behera erorita
Ezbeharra igandean jazo zen, 19:45ean, NA-2130 errepideko 8,9 kilometroan. Zauritua Nafarroako Unibertsitate Ospitalera eraman zuten, femurra hautsita zuela.
Zerura begira, San Joan bezperan
Iparraldean ostarteak zabalduko dira, baina adi hegoaldean, iluntzean trumoi-zaparradak botako ditu eta.
Bederatzi pertsona zauritu dira Galdakaon, auto batek harrapatuta
Auto erakusketa bateko hainbat ikusle zauritu dira Galdakaon (Bizkaia), parte hartzen ari zen autoetako batek harrapatuta. Zaurituak ospitalera eraman dituzte. Motor Show ikuskizunean gertatu da ezbeharra, Urreta auzoko San Joan jaietan. Dirudienez, ibilgailua kontrola galdu du, biribilgune batean irrist egin duelako, eta hesiaren atzean zeuden ikusleak aurretik eraman ditu.
Hainbat zauritu Galdakaon, auto-erakusketa batean
Ezbeharra Urreta auzoko San Joan jaietan gertatu da. Zaurituak Galdakaoko Ospitalera eraman dituzte; hala ere, gehienek ez dute zauri larririk, lehen informazioaren arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.